TRENDING:
तु इथला डॉन आहेस का?
प्रणय आपल्या घरासमोर उभा असताना आरोपींनी त्याला गाठले आणि "तू आम्हाला आवाज कमी करायला सांगणारा इथला डॉन आहेस का?" असे म्हणून शिवीगाळ सुरू केली. त्यानंतर भांडणं वाढली. पोलिसांनी याप्रकरणी अनिल कांबळे, जयभीम वाघमारे, विरेश पटणे आणि सूरज नावाच्या चार व्यक्तींविरुद्ध विविध कलमान्वये गुन्हा दाखल केला आहे.
advertisement
प्रणयच्या बरगडीला गंभीर दुखापत
या वादादरम्यान जयभीम वाघमारे याने वायरने, तर सूरजने लोखंडी पट्टीने प्रणयला मारहाण केली. मारहाण एवढी भीषण होती की, विरेश पटणे याने दगड भिरकावल्यामुळे प्रणयच्या बरगडीला गंभीर दुखापत झाली आहे. आरोपी अनिल कांबळे याने जाताना "तुला बघून घेतो" अशी धमकी दिल्याचेही फिर्यादीत नमूद करण्यात आलं आहे.
अद्याप अटक नाही
दरम्यान, एमआयडीसी पोलिसांनी या प्रकरणाचा तपास सुरू केला असून पोलीस हवालदार कांबळे या घटनेची अधिक चौकशी करत आहेत. अद्याप याप्रकरणी कोणालाही अटक करण्यात आलेली नाही, मात्र लवकरच आरोपींना ताब्यात घेतले जाईल, असे पोलिसांकडून सांगण्यात आलं आहे.