TRENDING:
सरकारचा निर्णय आणि निधीची उपलब्धता
एसटी महामंडळाने राज्य सरकारकडे एकूण ३२५ कोटींची मागणी केली होती. त्यापैकी १०० कोटींचा निधी तातडीने देण्याचा शासन निर्णय (GR) निर्गमित करण्यात आला आहे. परिवहन मंत्री आणि एसटी महामंडळाचे अध्यक्ष प्रताप सरनाईक यांनी यासंदर्भात वित्त विभागाकडे पाठपुरावा केला होता. उर्वरित निधीही लवकरच उपलब्ध करून दिला जाईल, असे आश्वासन त्यांनी दिले आहे.
advertisement
आंदोलन स्थगित करण्याचे आवाहन
थकीत वेतनवाढीच्या मागणीसाठी एसटी कामगार संघटनांनी आंदोलनाचा इशारा दिला होता. मात्र, सरकारने निधी जाहीर केल्यामुळे आता हे आंदोलन मागे घेण्याची विनंती महामंडळाकडून करण्यात आली आहे. मुख्यमंत्री आणि उपमुख्यमंत्र्यांसोबत झालेल्या बैठकीत ठरल्यानुसार, थकीत वेतनवाढ समान टप्प्यात देण्याचे आश्वासन पूर्ण करण्याच्या दिशेने हे पहिले पाऊल मानले जात आहे.
कधी येणार पैसे?
महामंडळाच्या अधिकाऱ्यांनी दिलेल्या माहितीनुसार, निधी प्राप्त होताच सोमवारपर्यंत सर्व वाढीव वेतनाची थकबाकी कर्मचाऱ्यांच्या बँक खात्यात वर्ग करण्यात येईल. फेब्रुवारी महिन्याच्या पगारात हा थकीत हप्ता न मिळाल्याने कर्मचाऱ्यांमध्ये नाराजी होती, जी आता दूर होणार आहे.