TRENDING:
काँग्रेसने काय म्हटले?
सुनेत्रा पवार यांनी हर्षवर्धन सपकाळ यांच्याकडे ही निवडणूक बिनविरोध करण्यासाठी काँग्रेसच्या सहकार्याची अपेक्षा व्यक्त केली. मात्र, सपकाळ यांनी दिल्लीतील हायकमांडचा दाखला देत स्पष्ट केले की, "दिल्लीतून या पोटनिवडणुकीसाठी उमेदवार रिंगणात उतरवण्याचे आदेश आहेत." काँग्रेस हायकमांड या निवडणुकीसाठी आग्रही असल्याने सुनेत्रा पवारांच्या विनंतीला काँग्रेसकडून सकारात्मक प्रतिसाद मिळालेला नाही. यामुळे बारामतीत महायुती विरुद्ध महाविकास आघाडी असा सामना रंगण्याची चिन्हे आहेत.
advertisement
महादेव जानकरांची 'वेट अँड वॉच'ची भूमिका
दुसरीकडे, महादेव जानकर यांनी सुनेत्रा पवार यांच्याशी चर्चा करताना सावध पवित्रा घेतला. "आम्ही काँग्रेसच्या भूमिकेनुसार आणि महाविकास आघाडीच्या निर्णयानुसार पुढील पाऊल उचलणार आहोत," असे जानकर यांनी स्पष्ट केले. त्यामुळे जानकरांचा पाठिंबा मिळवण्यासाठी सुनेत्रा पवारांना आता आघाडीच्या निर्णयाची प्रतीक्षा करावी लागणार आहे. बारामतीमध्ये धनगर समाजाची मते लक्षणीय आहेत. त्यामुळे जानकर यांची भूमिका महत्त्वाची ठरणार आहे.
दरम्यान, कालच सुनेत्रा पवार यांनी उद्धव ठाकरे यांच्याशी संपर्क साधला होता. ठाकरे गट सुनेत्रा पवारांना पाठिंबा देण्याची दाट शक्यता वर्तवली जात असली तरी, अद्याप कोणतीही अधिकृत घोषणा झालेली नाही. एकीकडे बड्या नेत्यांशी चर्चा सुरू असतानाच, दुसरीकडे बारामतीमध्ये आतापर्यंत तब्बल १९ अपक्ष आणि इतर उमेदवारांनी आपले अर्ज दाखल केले आहेत. त्यामुळे ही निवडणूक बिनविरोध होण्याची शक्यता कमी असल्याचा अंदाज आहे.