याबाबत मिळालेल्या माहितीनुसार, महाराष्ट्र पर्यटन विकास महामंडळाची 175वी संचालक मंडळाची बैठक झाली. यावेळी पर्यटन मंत्री शंभूराज देसाई उपस्थित होते. राज्यातील पर्यटनस्थळांच्या प्रचार व प्रसिद्धीसाठी सरकार 'एमटीडीसी'मार्फत 'तुमच्या नजरेतून महाराष्ट्रातील पर्यटनस्थळे' हा उपक्रम राबवणात आहे. या उपक्रमात प्रवासी फोटोग्राफर्सनी घेतलेल्या फोटोंमधून काही उत्कृष्ट फोटोंची निवड करून विजेत्यांना लाखो रुपयांची बक्षिसं दिली जाणार आहेत.
advertisement
Navratri 2025: कर्णपुऱ्यातील तुळजाभवानीच्या दर्शन वेळेत मोठा बदल, भाविकांसाठी विशेष निर्णय
डिजिटल फोटो प्रदर्शन
महाराष्ट्रातील पर्यटनस्थळांचं सौंदर्य, वैविध्य आणि सांस्कृतिक समृद्धीचा प्रचार आणि प्रसिद्धी व्हावी यासाठी हा उपक्रम राबवला जात आहे. या उपक्रमात प्रवाशांनी घेतलेले निवडक फोटोंची फोटो ऑफ दि डे, फोटो ऑफ दी मंथ आणि फोटो ऑफ दी इयर या श्रेणींमध्ये विभागणी केली जाईल. हे फोटो सोशल मीडियावर प्रसिद्ध केले जातील. डिजिटल फोटो गॅलरीमध्ये निवडक फोटोग्राफर्सची माहिती देखील प्रदर्शित केली जाईल.
लोकशाही पद्धतीने विजेत्यांची निवड
पर्यटन क्षेत्रातील तज्ज्ञ व्यक्तींच्या समितीकडून फोटोंची निवड केली जाईल. 'फोटो ऑफ दी इयर' या श्रेणीतील प्रथम विजेत्याला 5 लाख रुपये, प्रथम उपविजेत्याला 1 लाख रुपये, द्वितीय उपविजेत्याला 75 हजार रुपयांचं बक्षिस दिलं जाईल. शिवाय, पाच उत्स्फूर्त बक्षिसांच्या श्रेणीत प्रत्येकी 50 हजार रुपये देण्यात येतील. 'फोटो ऑफ दी मंथ' श्रेणीतील विजेत्यांना दोन जणांसाठी तीन दिवस आणि दोन रात्री एमटीडीसी रिसॉर्टमध्ये विनामूल्य राहण्याचे पास दिले जाणार आहेत. अंतिम विजेत्यांची निवड करण्यासाठी ऑनलाईन मतदानाची पद्धत वापरली जाणार आहे.