TRENDING:
दिवंगत अजित पवार हे माळेगाव सहकारी साखर कारखान्याच्या चेअरमनपदी ब वर्ग गटातून निवडून आले होते. पण त्यांच्या अपघाती मृत्यूमुळे ही जागा रिक्त झाली आहे. त्यांच्या जागी आता त्यांच्या पत्नी तथा उपमुख्यमंत्री सुनेत्रा पवार ब वर्ग गटातून बिनविरोध निवडून आल्या आहेत. त्यानुसार, आज त्यांची या पदावर नियुक्ती करण्यात येणार होती. त्यासाठी सुनेत्रा पवार आज सकाळीच कारखान्यावर पोहोचल्याही होत्या. पण निवडणूक निर्णय अधिकारी आज अचानक आजारी पडल्यामुळे ऐनवेळी ही निवड लांबणीवर पडली . त्यावेळी दादा सकाळी कोणाला फोन करायचे याविषयी सांगितले.
advertisement
कारखान्याबाबत सखोल माहीत नसली तरी माझी तोंड ओळख : सुनेत्रा पवार
अनेक कारखान्यांना मी पण अधून मधून भेट देत होते. मला कारखान्याबाबत सखोल माहीत नसली तरी माझी तोंड ओळख आहे. त्यामुळे काम करताना जरी अडचणी आल्या तरी सहकाऱ्यांमुळे अशक्य होणार नाही. माझ्याकडून कुठल्याही प्रकारच्या ना आवडणाऱ्या गोष्टी घडणार नाही त्याची मी काळजी घेईल. कारखाना कसा चांगला चालेल याकडे माझं लक्ष असेल असंही सुनेत्रा पवार यांनी म्हटलं आहे.
सकाळी पहिला फोन अजित पवार कोणाला करायचे?
सुनेत्रा पवार म्हणाल्या की, गेली काही वर्षे अजितदादांची सकाळ कारखान्याच्या एमडींना फोन करण्यापासून सुरू व्हायची. अनेकदा मीही त्यांच्या सोबत विविध कारखान्यांना भेटी दिल्या आहेत. कारखान्याबाबत सखोल तांत्रिक माहिती नसली तरी माझी तोंडओळख आहे. त्यामुळे काम करताना अडचणी आल्या तरी सहकाऱ्यांच्या मदतीने त्या सोडवता येतील, याचा मला विश्वास आहे.
दादांचे स्वप्न पूर्ण करण्यासाठी प्रयत्न करणार : सुनेत्रा पवार
माळेगाव कारखान्याला देशातील अग्रगण्य साखर कारखान्यांच्या पंक्तीत उभे करण्याचे स्वप्न अजितदादांनी उराशी बाळगले होते. त्या दिशेने त्यांनी सातत्याने प्रयत्न करत होते. चेअरमन झाल्यानंतर अल्पावधीतच त्यांनी अनेक गोष्टी कारखान्यासाठी केल्या होत्या . अशा पद्धतीने मला इथे यावे लागेल असे स्वप्नातही वाटले नाही. दादांचे स्वप्न पूर्ण करण्यासाठी आपल्या सर्वांना प्रयत्न करायचे आहेत. कारखान्याचे सभासद, अधिकारी, कर्मचारी आपण सगळेच शेतकरी या सगळ्यांच्या भल्यासाठी दादांनी जे ठरवले आहे, त्या सगळ्या गोष्टी करण्यासाठी मी सर्वांच्या सहकार्याने नक्कीच प्रयत्न करेन, असा शब्द सुनेत्रा पवार यांनी दिला.