TRENDING:
1 वर्षाची सेवा केल्यास काय अट
नवीन नियमांनुसार,फिक्स्ड टर्मवर काम करणाऱ्या कर्मचाऱ्यांना आता केवळ १ वर्षाची सेवा पूर्ण केल्यावरही ग्रॅच्युइटी मिळवण्याचा अधिकार असेल. कंत्राटी कामगारांसाठी १ वर्षाचा करार पूर्ण झाल्यावर ग्रॅच्युइटीसाठी पात्र होतील. इतर कर्मचाऱ्यांसाठी ५ वर्षांची अट कायम आहे.
Success Story : नोकरी सोडली, फक्त 3 हजारांत सुरू केला दागिन्यांचा व्यवसाय, आता सिद्धीची लाखांत कमाई, Video
advertisement
या लोकांना वगळण्यात येईल
मात्र, मृत्यू किंवा अपंगत्व आल्यास ही अट लागू राहत नाही. ग्रॅच्युइटी मोजताना आता वेतन या शब्दाची व्याप्ती बदलली आहे. नवीन कायद्यानुसार, तुमचा मूळ पगार, महागाई भत्ता आणि रिटेनिंग अलाउन्स यांचा समावेश पगारातच केला जाईल. बोनस, एचआरए, पीएफमधील योगदान आणि प्रवास भत्ता हे घटक ग्रॅच्युइटीच्या मोजणीतून वगळण्यात आले आहेत.
ग्रॅच्युइटी कशी मोजली जाते?
तुमच्या शेवटच्या महिन्याचा पगार आणि एकूण सेवा काळ यावर ग्रॅच्युइटी अवलंबून असते.
ग्रॅच्युइटी = (शेवटचा महिना पगार) × (१५/२६) × (पूर्ण झालेली सेवा वर्षे)
उदा: जर तुमचा पगार ५०,००० रुपये असेल आणि तुम्ही १० वर्षे काम केले असेल, तर १५/२६ च्या हिशोबाने तुमची ग्रॅच्युइटी मोजली जाईल. कंत्राटी कामगारांच्या बाबतीत, त्यांनी जेवढा काळ काम केला आहे, त्या प्रमाणात त्यांना ही रक्कम मिळेल.
कधी मिळणार पैसे?
सेवा संपल्यापासून ३० दिवसांच्या आत कंपनीला ग्रॅच्युइटीचे पैसे द्यावे लागतील. जर तुमचा करार फक्त ११ महिन्यांचा असेल, तर तुम्ही नवीन नियमानुसार ग्रॅच्युइटीसाठी पात्र ठरणार नाही. किमान १२ महिने सेवा आवश्यक आहे. हे सर्व बदल २१ नोव्हेंबर २०२५ पासून लागू झाले आहेत, असे सरकारने स्पष्ट केले आहे.