हो, हे खरं आहे. आता तु्म्हाला तो देश कोणता असेल? असा प्रश्न पडला असेल ना? तर आणि तो देश म्हणजे इराण (Iran).
इराणमध्ये भारतीय रुपयाची जबरदस्त किंमत. इराणचं चलन रियाल (Iranian Rial) म्हणून ओळखलं जातं. सध्या 1 भारतीय रुपया = 507.22 इराणी रियाल इतका दर आहे. म्हणजे, जर तुम्ही फक्त ₹10,000 घेऊन इराणला गेलात, तर तिथे तुम्ही राजासारखं आयुष्य जगू शकता.
advertisement
इराणमधील 5-स्टार हॉटेलमध्ये राहण्यासाठी एका दिवसाचा खर्च फक्त ₹7,000 इतकाच येतो. तर मध्यम श्रेणीच्या हॉटेलमध्ये ₹2,000 ते ₹4,000 दरम्यानचं बजेट पुरेसं ठरतं.
इराणी चलन एवढं कमकुवत का झालं?
इराण हा जगातील प्रमुख तेल उत्पादक देशांपैकी एक आहे. परंतु, अमेरिकेने लादलेल्या दीर्घकालीन आर्थिक निर्बंधांमुळे त्याची अर्थव्यवस्था कोसळली. अमेरिकेच्या दबावामुळे अनेक देशांनी इराणकडून तेल खरेदी बंद केली, ज्यामुळे त्याच्या चलनाचं मूल्य सतत कमी होत गेलं.
2012 पासून इराणी रियालचं अवमूल्यन झपाट्याने होत आहे. सध्या देशात महागाईचा दर इतिहासातील सर्वोच्च पातळीवर आहे आणि वस्तूंच्या किमती वाढल्यामुळे नागरिकांना मोठा फटका बसला आहे.
डॉलर इराणमध्ये ‘गुन्हा’
इराणमध्ये अमेरिकन डॉलर वापरणं हा कायदेशीर गुन्हा आहे. अमेरिका आणि इराण यांच्यातील तणावामुळे देशात डॉलरवर पूर्ण बंदी घालण्यात आली आहे. त्यामुळे काळ्या बाजारात डॉलरची तस्करी मोठ्या प्रमाणावर होत आहे.
इराण काही निवडक देशांशी जसे भारत आणि चीन स्थानिक चलनात व्यापार करतो.
इतर देश जिथे रुपया ‘मजबूत’ आहे
इराणसारख्याच काही देशांमध्ये भारतीय रुपया अधिक मूल्यवान आहे:
सिएरा लिओन : 1 भारतीय रुपया = 238.32 सिएरा लिओन लेओन
इंडोनेशिया : 1 भारतीय रुपया = 190 इंडोनेशियन रुपिया
म्हणजेच या देशांत तुम्ही कमी बजेटमध्ये सुंदर प्रवासाचा आनंद घेऊ शकता.
भारतीय रुपया जगातील बहुतेक देशांच्या तुलनेत कमकुवत असला, तरी इराणसारख्या देशात तो “महागडा” चलन ठरतो.
म्हणूनच, जर तुम्ही बजेटमध्ये आंतरराष्ट्रीय ट्रिपची योजना करत असाल, तर इराणसारख्या देशांचा विचार जरूर करा. जिथे भारतीय रुपये तुम्हाला खरंच मालामाल करू शकतात.