TRENDING:
सोने-चांदीचे झळाळी उतरली
नेहमी जागतिक तणावाच्या काळात सोन्याचे दर वाढतात, पण या युद्धात उलटे चित्र दिसत आहे. २७ फेब्रुवारीला १,६२,१०४ रुपयांवर असलेले सोने आता ३.४० टक्क्यांनी घसरून १,५६,५९६ रुपये प्रति १० ग्रॅमवर आले आहे.
चांदीची अवस्था तर अधिकच बिकट आहे. १७ दिवसांपूर्वी २,८२,६४४ रुपयांवर असलेली चांदी आता २,५४,००० रुपयांपर्यंत खाली आली आहे. म्हणजेच चांदीच्या दरात तब्बल १० टक्क्यांची मोठी घसरण नोंदवण्यात आली आहे.
advertisement
गुंतवणूकदारांना कोणी दिला बंपर रिटर्न?
सोनं-चांदीचा दर घसरत असताना दुसरीकडे अॅल्युमिनियमच्या दरात वाढ झाली आहे. युद्ध सुरू होण्यापूर्वी म्हणजेच २७ फेब्रुवारीला अॅल्युमिनियम ३१३ रुपये प्रति किलो होते. मात्र, आज सोमवारी एमसीएक्सवर (MCX) अॅल्युमिनियम ३४७.५० रुपयांवर पोहोचले आहे. अवघ्या १७ दिवसांत या धातूच्या किमतीत ११ टक्क्यांची जबरदस्त वाढ झाली आहे. होर्मुझची सामुद्रधुनी आणि इराणमधील तणावामुळे कतार आणि बहरीनसारख्या प्रमुख उत्पादक देशांकडून होणारा पुरवठा खंडित झाल्याचा हा परिणाम आहे. जागतिक पुरवठ्यात आखाती देशांचा ८ टक्के वाटा असल्याने अॅल्युमिनियमचा तुटवडा जाणवू लागला आहे.
अॅल्युमिनियमच्या दरवाढीचं कारण काय?
युद्धामुळे होर्मुझच्या सामुद्रधुनीतून होणारी जहाजांची वाहतूक विस्कळीत झाली आहे. कतार एनर्जीने अॅल्युमिनियम आणि रसायनांची विक्री तात्पुरती थांबवली आहे. पुरवठा साखळी तुटल्यामुळे अॅल्युमिनियम महागले आहे, तर दुसरीकडे जागतिक बाजारपेठेतील अनिश्चिततेमुळे आणि डॉलरच्या प्रतिकूल परिणामामुळे सोनं-चांदीच्या दरात घसरण झाली आहे.