आसारामच्या आश्रमातून तो निघाला, पोलिसांनी थांबवताच जे सापडलं ते पाहून सगळ्यांनाच बसला धक्का

तपासात उघड झालं की, जप्त केलेल्या लाखो रुपयांच्या रोकडीबाबत आरोपीकडे कोणताही पुरावा नव्हता आणि चौकशीत त्याचे उत्तरं सतत बदलत होती.

अहमदाबाद पोलिसांनी सांगितले की, रामोल पोलिसांनी एका नियमित नाकाबंदी दरम्यान मोठी रोकड हस्तगत केली, ज्याचा कोणताही हिशोब आरोपीकडे नव्हता. विचारपूस केल्यानंतरही तो त्या रकमेसंदर्भात कोणतीही पावती, दस्तऐवज किंवा खात्रीशीर माहिती देऊ शकला नाही.

advertisement

पोलिसांच्या सततच्या प्रश्नांमुळे त्याचे उत्तरं गोंधळलेली आणि प्रत्येकवेळी वेगवेगळी होत गेली. त्यामुळे पोलिसांनी भारतीय दंड संहिता कलम 106 अंतर्गत गुन्हा नोंदवून त्याला ताब्यात घेतलं.

पकडल्या गेलेल्या व्यक्तीचं नाव शमशेर बहादुर असल्याचं पोलिसांनी सांगितलं. तो उत्तर प्रदेशचा रहिवासी होता आणि गेल्या काही महिन्यांपासून अहमदाबादमधील आसाराम आश्रमात राहत होता, हे तपासात समोर आलं. या खुलाशामुळे पोलिसांना संशय आला की, या रोकडीचा काही संबंध आश्रमाशी किंवा इतर कोणत्या संस्थेशी आहे का, हे शोधणं गरजेचं आहे.

रामोल पोलिसांची दक्षता आणि तातडीची कारवाई

पोलिसांनी सांगितले की, दिवाळीच्या काळात अवैध रोकड व्यवहारांवर लक्ष ठेवण्यासाठी विशेष नाकाबंदी करण्यात आली होती. वाहन तपासणीदरम्यान शमशेर बहादुरकडून मोठ्या प्रमाणात रोकड सापडली. पोलिसांनी ती रोकड जप्त करून तातडीने इनकम टॅक्स विभागाला माहिती दिली आहे.

सूत्रांच्या माहितीनुसार, प्राथमिक चौकशीत शमशेर बहादुर काही लोकांशी रोकड व्यवहारात गुंतलेला असल्याचं समोर आलं आहे. तो गेल्या काही महिन्यांपासून शहरातील वेगवेगळ्या भागात फिरत होता. पोलिस सध्या हे शोधण्याचा प्रयत्न करत आहेत की वडोदऱ्यातून अहमदाबादला एवढी मोठी रोकड का आणि कोणत्या उद्देशाने आणली जात होती.

सध्या आरोपीला न्यायालयात हजर करण्यात आलं आहे. तपास अधिकाऱ्यांच्या माहितीनुसार, जर त्याने या रकमेसंबंधी वैध स्रोत सांगितला नाही, तर त्याच्यावर मनी लॉन्ड्रिंगच्या कलमांखालीही कारवाई केली जाऊ शकते. त्याचप्रमाणे, पोलिसांनी आश्रमाशी संबंधित काही व्यक्तींचीही चौकशी सुरू केली आहे, जेणेकरून या संपूर्ण प्रकरणामागचं खरं सत्य समोर आणता येईल.