TRENDING:रस्त्यावर पैसे मागण्यापासून ते उद्योजिकापर्यंतचा प्रवास
मूळच्या सांगली जिल्ह्यातील असलेल्या मनस्वी गोईलकर यांनी सांगितले की, रस्त्यावर पैसे मागण्यापासून ते उद्योजिका होण्यापर्यंतचा प्रवास अजिबात सोपा नव्हता. दहावी-बारावीपर्यंतचे शिक्षण सांगलीत पूर्ण केल्यानंतर त्यांनी पुण्यात फॅशन डिझायनिंगमध्ये पदवी घेतली. शिक्षणादरम्यानच त्यांची ट्रान्सजेंडर असल्याची ओळख स्पष्ट झाली आणि संघर्षाला सुरुवात झाली. कुटुंबाचा विरोध सहन करावा लागला आणि घर सोडावे लागले.
advertisement
Success Story : पिकअप गाडीत नाश्ता सेंटर, 1200 वडापावची होते विक्री, तरुणाचा महिन्याला इतका थेट नफा
घर सोडल्यानंतर उदरनिर्वाहासाठी त्यांनी रस्त्यावर पैसे मागणे तसेच इतर मार्गांचा अवलंब केला. मात्र, शिक्षण घेतले असताना हे का करत आहोत? हा प्रश्न सतत पडत होता. यातून बाहेर पडण्यासाठी त्यांनी नोकरी केली, त्या ठिकाणी देखील मोठ्या प्रमाणात भेदभावाला सामोरे जावं लागलं. या गोष्टीला कंटाळून अखेर नोकरीचा राजीनामा दिला, असं मनस्वी सांगतात.
शेवटी आवडीच्या व्यवसायात..
नोकरी सोडल्यानंतर, उदरनिर्वाहासाठी मनस्वीने अनेक छोटे-मोठे व्यवसाय केले. फटाक्यांचा व्यवसाय असो किंवा आयुर्वेदिक झाडांचा व्यवसाय, अशा अनेक प्रकारचे व्यवसाय त्यांनी करून पाहिले. पण कायमच त्यांना फॅशन डिझायनिंगमध्ये आपलं करिअर घडवायचं होतं. त्याचं शिक्षणही घेतलं होतं. त्यामुळे शेवटी मनस्वी यांनी फॅशन डिझायनिंगमध्ये व्यवसाय करण्याचा निर्णय घेतला. भांडवल उभारून त्यांनी पुण्यातील भैरव नगर, गल्ली नंबर 13, धानोरी येथे फॅशन डिझायनिंगचा व्यवसाय सुरू केला आहे. या ठिकाणी तुम्हाला अनेक प्रकारचे ड्रेस डिझाईन करून मिळतील. आमच्या या प्रयत्नांना समाजाने देखील साथ द्यावी, असे आवाहन मनस्वी यांनी केलं आहे.