रिलायन्सकडून 158 कोटींची Big Order, उद्या मार्केटमध्ये धुराळा उडणार; कंपनीच्या शेअर्सवर गुंतवणूकदारांच्या नजरा वळल्या

Li-ion बॅटरी पॅकची पुरवठा जबाबदारी

कंपनीने दिलेल्या माहितीनुसार ही ऑर्डर Li-ion 48V 15S1P 314 AH बॅटरी पॅकच्या पुरवठ्यासाठी आहे. हा पूर्णपणे देशांतर्गत (Domestic) ऑर्डर असून त्याची डिलिव्हरी 31 ऑगस्ट 2026 पर्यंत पूर्ण करण्याचे उद्दिष्ट ठेवण्यात आले आहे.

कंपनीसाठी महत्त्वाची कामगिरी

रिलायन्स इंडस्ट्रीजसारख्या देशातील आघाडीच्या उद्योगसमूहाकडून मिळालेला हा मोठा ऑर्डर Pace Digitek समूहासाठी महत्त्वाची उपलब्धी मानली जात आहे. यामुळे कंपनीच्या ऑर्डर बुकमध्ये वाढ होणार असून भविष्यातील उत्पन्न आणि व्यवसायवाढीच्या संधींना चालना मिळू शकते. ऊर्जा आणि बॅटरी सोल्यूशन क्षेत्रात मजबूत पायाभूत उपस्थिती निर्माण करण्याच्या दृष्टीने हा करार कंपनीसाठी दीर्घकालीन फायदेशीर ठरू शकतो.

advertisement

ही ऑर्डर ऊर्जा साठवण (Energy Storage) आणि बॅटरी सोल्यूशन्स क्षेत्रात कंपनीसाठी महत्त्वाचा टप्पा मानला जात आहे. वाढत्या ऊर्जा मागणीच्या पार्श्वभूमीवर लिथियम-आयन बॅटरी तंत्रज्ञानाला मोठी मागणी आहे आणि या क्षेत्रात मोठ्या कॉर्पोरेट कंपनीकडून मिळालेला ही ऑर्डर कंपनीसाठी विश्वासार्हते आणखी वाढवू शकते.

कंपनीने स्पष्ट केले आहे की या व्यवहारात प्रमोटर किंवा प्रमोटर गटाची कोणतीही थेट किंवा अप्रत्यक्ष स्वारस्य नाही. तसेच हा व्यवहार Related Party Transaction म्हणून गणला जात नाही. त्यामुळे हा व्यवहार पूर्णपणे व्यावसायिक आणि स्वतंत्र स्वरूपाचा असल्याचे स्पष्ट झाले आहे.

Disclaimer: वरील माहिती हा केवळ शेअरच्या कामगिरीवर आधारित आहे. शेअर बाजारातील गुंतवणूक ही बाजाराच्या जोखमीवर आधारित असते. त्यामुळे गुंतवणूक करण्याआधी सर्टिफाइड इन्व्हेस्टमेंट अ‍ॅडव्हायजरचा सल्ला घ्यावा. कोणत्याही आर्थिक नुकसानीसाठी News18 जबाबदार असणार नाही.

Disclaimer: News18marathi हे नेटवर्क18 समूहाचा भाग आहे. नेटवर्क18 वर इंडिपेंडंट मीडिया ट्रस्टचे नियंत्रण असून, त्याचा एकमेव लाभार्थी रिलायन्स इंडस्ट्रीज आहे.