गरीबांना मदत करू नका, महागुरूचे वादग्रस्त मत; कारण ऐकून धक्का बसेल, सांगितला श्रीमंत होण्याचा नवा 'रूल'

मुंबई : प्रसिद्ध पुस्तक ‘रिच डॅड पुअर डॅड’चे लेखक रॉबर्ट कियोसाकी यांनी गुंतवणूकदारांना मोठ्या क्रॅशचा इशारा दिल्यानंतर लगेचच पैसे कमवण्याच्या आणि श्रीमंत होण्याच्या मार्गावर नवे विचार मांडले आहेत. त्यांचा हा सोशल मीडिया पोस्ट सध्या व्हायरल होत आहे.

advertisement

गरीबांना पैसे न देता...

रॉबर्ट कियोसाकी म्हणतात, माझं गरीब लोकांसाठी मन दुखतं, पण त्यांना पैसे देऊन मदत करणे मला पटत नाही. शाळेत शिकताना मिळालेला एक धडा त्यांनी शेअर केला. जर तुमच्या एखाद्या माणसाला माशी दिली, तर तुम्ही त्याला एका दिवशी खाऊ मिळवून देता. पण जर तुम्ही त्याला मासे पकडणं शिकवलं, तर तो कायमचं आपलं पोट भरू शकतो. त्यांनी गुंतवणूकदारांना नेहमी उत्पन्नाचा मार्ग दाखवण्यावर जोर दिला आहे.

गुंतवणुकीचे मोठे गुरू

कियोसाकी यांनी सांगितलं- माझ्या श्रीमंत वडिलांचा नियम लक्षात ठेवा. फायदा आपण खरेदी करताना मिळतो, विक्री करताना नाही. त्यांनी सिल्व्हरच्या भावाबद्दलही ट्विटमध्ये उल्लेख केला. $50 हा सिल्व्हरचा टप्पा पार झाला आहे आणि पुढचं ध्येय $70 आहे. सध्याच्या भावावर गरीबांसह बहुतेक लोक सिल्व्हर खरेदी करू शकतात. मात्र एक वर्षाने भाव $200 औंसपर्यंत घावेल, तेव्हा गरीब लोक हे खरेदी करू शकणार नाहीत.

कमी भावावर खरेदी, जास्त भावावर विक्री

कियोसाकी म्हणतात, $50 ला सिल्व्हर खरेदी करा, कारण $200 वर पोहोचल्यावर हारणारे हे खरेदी करायला धावतील. याद्या लक्षात ठेवा, हारणारे कधीच मोठ्या भावावर खरेदी करतात. म्हणून भाव कमी असताना खरेदी करा व भाव जास्त झाला की विक्री करा.

बिटकॉइनचे उदाहरण

त्यांनी आपल्या गुंतवणुकीचे उदाहरण देताना सांगितलं की, फार कमी लोक आजच्या $100,000 भावावर बिटकॉइन घेऊ शकतात. मी माझा पहिला बिटकॉइन फक्त $6,000 ला विकत घेतला आणि आता माझ्या 100 बिटकॉइनची किंमत लाखो डॉलर झाली आहे, असे त्यांनी सांगितले आहे.

गुंतवणूकदारांना मोठ्या क्रॅशचा इशारा

रॉबर्ट कियोसाकी हे सतत सोनं-चांदी-बिटकॉइनमध्ये गुंतवणूक करण्याचा सल्ला देतात. रविवारी केलेल्या एका ट्विटमध्ये त्यांनी मोठ्या क्रॅशचा इशारा देतानाच सांगितलं की, मी 1971 पासून सोने घेतोय आणि अजूनही विकत नाहीये, फक्त खरेदीच करतोय. त्यांनी सांगितलं, अमेरिकेवर मोठं कर्ज आहे आणि इतिहासात इतकं कधीच नव्हतं. त्यामुळे मी क्रॅश अलर्ट देतो. 'सेव्हिंग करणारे नेहमी हारतात.' मी कायम सोनं, चांदी, बिटकॉइन, इथेरियम घेत राहतो. क्रॅश आला तरीही. कारण पुढे भरपूर पैसा येणार आहे.