TRENDING:पत्तरवाळी व्यवसायाची कल्पना कशी?
कुंभेफळ येथील शुभम शेळके हा उच्चशिक्षित तरुण व्यवसाय क्षेत्रात येण्याअगोदर कंपनीमध्ये जॉब करत होता. मात्र जॉबऐवजी स्वतःचा नवीन व्यवसाय सुरू करायचा हा विचार नेहमी मनात असायचा त्यामुळे मेटे (शुभमचे मामा) यांनी पत्तरवाळी व्यवसायाची कल्पना सुचवली व यावर योग्य मार्गदर्शन केले, आणि हा व्यवसाय सुरू केला. पत्तरवाळी, द्रोण, नाश्ता प्लेट, पेपर कप यासह विविध प्रकारच्या उत्पादनांची निर्मिती या ठिकाणी केली जाते.
advertisement
पत्तरवाळी निर्मितीसाठी यंत्राचा वापर
नाश्ता प्लेट, पत्तरवाळी, पेपर कप तयार करण्यासाठी इलेक्ट्रिक यंत्राचा वापर केला जातो त्या यंत्राला रोलर मशीन देखील म्हटले जाते. सुरुवातीला त्या यंत्रामध्ये साचा बसवला जातो, त्या साच्यामध्ये डिझाईन व आकार महत्त्वाचा असतो. साचा बसवल्यानंतर पत्तरवाळीसाठी वापरला जाणारा पेपर त्या ठिकाणी टाकला जातो, पेपर बरोबर त्या साच्याखाली आला की साच्याच्या आकाराची पत्तरवाळी तयार होते. याचप्रमाणे नाश्ता प्लेट आणि पेपर कपसाठी यंत्राचा वापर होतो.
तरुणांनी या व्यवसायात यावे का?
पत्तरवाळी बनवणे व विक्री करणे हा व्यवसाय चांगला व योग्यरित्या केल्यास फायदेशीर देखील आहे. तसेच तरुणांना या व्यवसायाबद्दल संपूर्ण मार्गदर्शन देखील या ठिकाणी आल्यानंतर केले जाईल. व्यवसाय सुरू करण्याअगोदर नवव्यावसायिकांनी ज्या पत्तरवाळी तयार केली जाते अशा चार ते पाच प्लांटला भेट द्यावी, माहिती घ्यावी त्यानंतरच टप्प्याटप्प्याने सुरुवात करावी यासाठी जवळपास 1.50 लाखांपर्यंत खर्च येतो.