दाऊद इब्राहिमसाठी ड्रग्ज फॅक्टरी
मर्चंट आणि त्याच्या साथीदारावर मुंबईतील डोंगरी परिसरात दाऊद इब्राहिमसाठी ड्रग्ज फॅक्टरी चालवल्याचा गंभीर आरोप आहे. नोव्हेंबर 2024 मध्ये मोहम्मद आशिकुर सहिदुर रहमान आणि रेहान शकील अन्सारी यांच्या अटकेतून दानिशचे कनेक्शन उघडकीस आले होते, ज्यानंतर मुंबई पोलिसांनी काही महिन्यांच्या तपासानंतर त्याला अटक केली होती. जामिनावर सुटल्यानंतरही दानिशवर पोलिसांची नजर होती.
advertisement
दाऊदच्या ड्रग्ज नेटवर्कवर मोठा प्रहार
दानिश मर्चंट हा एनसीबीच्याही रडारवर होता. अन्सारी आणि शेखच्या मागावर असलेल्या एनसीबीला याच तपासातून दानिश मर्चंटपर्यंत पोहोचला आले. दानिश चिकनाची ओळख एमडी ड्रगचा मुख्य पुरवठादार म्हणूनही आहे. 2021 मध्येही एनसीबीने दाऊदशी संबंधित एका वेगळ्या ड्रग्ज फॅक्टरी ऑपरेशनच्या संदर्भात त्याला राजस्थानहून मुंबईत आणले होते. यानंतर डिसेंबर 2024 मध्ये मुंबई पोलिसांनी त्याला अटक केली होती आणि आता पुन्हा एकदा एनसीबीने त्याला ताब्यात घेतले आहे, ज्यामुळे दाऊदच्या ड्रग्ज नेटवर्कवर मोठा प्रहार होण्याची शक्यता आहे.
आंतरराष्ट्रीय ड्रग्ज सिंडिकेटला धक्का
दरम्यान, पोलिसांच्या माहितीनुसार, मागील वर्षी या प्रकरणात अटक झालेल्या आरोपींकडून 144 ग्रॅम आणि 55 ग्रॅम असे एकूण 199 ग्रॅम अमली पदार्थ जप्त करण्यात आले होते. या साठ्याच्या मुख्य पुरवठ्यासाठी दानिश चिकना जबाबदार होता. या अटकेनंतर दाऊदच्या आंतरराष्ट्रीय ड्रग्ज सिंडिकेटची काही महत्त्वाची माहिती एनसीबीच्या हाती लागण्याची शक्यता आहे.