TRENDING:
नेमकं घडले काय?
पनवेलमध्ये रुग्णालयाच्या नावाने ऑनलाइन फसवणुकीची धक्कादायक घटना समोर आली आहे. कळंबोली येथील सेक्टर 1 मधील सोसायटीत राहणाऱ्या 60 वर्षीय ज्येष्ठ नागरिकांची तब्बल 6 लाख 40 हजार रुपयांची फसवणूक झाली आहे.
मिळालेल्या माहितीनुसार, उपचारासाठी त्यांनी कर्नाटकातील नागरमोळी येथील एका प्रसिद्ध आयुर्वेद रुग्णालयाची माहिती इंटरनेटवर शोधली. शोधताना त्यांना अधिकृत संकेतस्थळासारखे दिसणारे एक बनावट वेबसाइट आढळले. त्या वेबसाइटवरील संपर्क क्रमांकावर फोन केल्यानंतर दोन संशयित व्यक्तींनी त्यांच्याशी संवाद साधला.
advertisement
लिंक डाउनलोड करताच बँक खात्यावर डल्ला
संशयितांनी विश्वास संपादन करून ज्येष्ठांच्या मोबाईलवर 'डॉट एपीके' फाइल पाठवली आणि ती डाउनलोड करण्यास सांगितले. फाइल डाउनलोड केल्यानंतर त्यांच्या बँक खात्यातून टप्प्याटप्प्याने 6 लाख 40 हजार रुपये दुसऱ्या खात्यात वळवण्यात आले.
काही वेळाने रुग्णालयाशी थेट संपर्क साधल्यावर कोणतीही रक्कम मिळाली नसल्याचे स्पष्ट झाले. त्यानंतर आपली फसवणूक झाल्याचे लक्षात येताच संबंधित ज्येष्ठ नागरिकांनी तात्काळ पोलीस ठाण्यात धाव घेत तक्रार नोंदवली.या घटनेमुळे ऑनलाइन व्यवहार करताना अधिकृत संकेतस्थळ आणि अॅपची खातरजमा करणे किती महत्त्वाचे आहे हे पुन्हा एकदा स्पष्ट झाले आहे.