TRENDING:
याप्रकरणी जव्हार पोलिसांनी मुख्य संशयित आरोपी, ओवी कन्स्ट्रक्शनचे मालक आणि विक्रमगडचे विद्यमान नगराध्यक्ष नीलेश ऊर्फ पिंका पडवळे यांना अटक केली आहे. पडवळे यांच्यासोबतच यज्ञेश अंभिरे यालाही अटक करण्यात आली आहे. अंभिरे हा सार्वजनिक बांधकाम विभागाचा (PWD) अधिकृत कर्मचारी नसून, त्याला पडवळे यांनीच कार्यालयात तात्पुरत्या कामासाठी ठेवले होते आणि त्याचा पगारही पडवळेच देत होते.
advertisement
आता तुम्ही घरीच थांबा! पुण्यातील लहानग्यांना अंगणवाडीत कोंडणाऱ्या दोघींवर कारवाई
बँक कर्मचाऱ्यांमुळे प्रकरण उघड
सार्वजनिक बांधकाम विभाग जव्हारचे कार्यकारी अभियंता नितीन भोये यांनी शुक्रवारी रात्री जव्हार पोलिसांत अधिकृत तक्रार दिली. बँक व्यवस्थापक संजय आणि कर्मचारी राहुल सोनवणे यांनी धनादेशावरील शिक्के, तारीख आणि सह्या संशयास्पद असल्याचे ओळखले आणि तातडीने हा व्यवहार थांबवला. अंभिरे हा खोटा धनादेश डिमांड ड्राफ्टसाठी बँकेत घेऊन गेला होता. मात्र, तो वठला नाही, म्हणून चौकशीसाठी ओवी कन्स्ट्रक्शनचे मालक नीलेश पडवळे व इतर दोघे बँकेत आल्यानंतर बँक अधिकाऱ्यांचा संशय अधिक बळावला आणि त्यांनी पोलिसांना माहिती दिली.
या बँक धनादेश प्रकरणामुळे संपूर्ण पालघर जिल्ह्यामध्ये मोठी खळबळ उडाली आहे. न्यायालयाने दोन्ही संशयित आरोपींना सहा दिवसांची पोलीस कोठडी सुनावली असून, या कोट्यवधींच्या फसवणुकीमध्ये आणखी कोणाचा सहभाग आहे, याचा तपास पोलीस करत आहेत.