MHADA Lottery 2026 : म्हाडाच्या घरांची सर्वांत मोठी लॉटरी आली, अर्ज कसा करायचा? अटी काय?

या सोडतीत अत्यल्प गटासाठी 145, अल्प गटासाठी 858, मध्यम गटासाठी 1408  आणि उच्च उत्पन्न गटासाठी 229 सदनिका उपलब्ध आहेत.कन्नमवार नगर-विक्रोळी, पत्राचाळ सिद्धार्थ नगर-गोरेगाव, जुने मागाठाणे-बोरीवली, गोराई-बोरीवली, सुभाष नगर-चेंबुर, गांधीनगर- वांद्रे, पंतनगर-घाटकोपर, गिरगाव, वडाळा, कोपरी-पवई, माझगाव, तुंगा पवई, लोकमान्य नगर-दादर, पहाडी गोरेगाव, अँटॉप हिल-वडाळा यांसारख्या मोक्याच्या ठिकाणांवरील घरांचा यात समावेश आहे.

advertisement

अर्ज कसा आणि कुठे कराल?

प्रक्रिया: अर्ज नोंदणी पूर्णपणे ऑनलाईन असून IHLMS 2.0 या संगणकीय प्रणालीद्वारे राबवली जाईल.

ॲप:  गुगल प्ले स्टोअर किंवा ॲप स्टोअरवरून 'Mhada Housing Lottery System' हे मोबाईल ॲप डाऊनलोड करून अर्ज भरता येईल.

संकेतस्थळ: अर्जदार https://housing.mhada.gov.in  या अधिकृत वेबसाईटवर जाऊनही नोंदणी करू शकतात.

महत्त्वाच्या तारखा:

अर्ज भरण्याची मुदत: 30  मार्च ते 29 एप्रिल 2026 (रात्री 11.59 पर्यंत).

अनामत रक्कम भरणा: 30 एप्रिल 2026 पर्यंत.

अंतिम यादी प्रसिद्धी: 12 मे 2026

सोडतीचा निकाल: 15 मे 2026  रोजी सकाळी जाहीर केला जाईल.

आवश्यक कागदपत्रे:

अर्जदाराकडे आधार कार्ड, पॅन कार्ड, 15 वर्षांचा महाराष्ट्रातील वास्तव्याचा दाखला (Domicile Certificate) आणि 1 एप्रिल 2024 ते 31 मार्च 2025 या कालावधीतील उत्पन्नाचा पुरावा असणे अनिवार्य आहे. म्हाडाने स्पष्ट केले आहे की, घरांच्या वितरणासाठी कोणताही एजंट नेमलेला नाही, त्यामुळे नागरिकांनी फसवणुकीपासून सावध राहावे.

कोणाला अर्ज करता येणार?

या सोडतीमध्ये समाविष्ट होण्याकरिता अत्यल्प उत्पन्न गटासाठी रुपये सहा लाखापर्यंत वार्षिक कौटुंबिक उत्पन्न मर्यादा आहे. अल्प उत्पन्न गटासाठी रुपये नऊ लाखापर्यंत वार्षिक कौटुंबिक उत्पन्न मर्यादा आहे. मध्यम उत्पन्न गटासाठी रुपये बारा लाखापर्यंत वार्षिक कौटुंबिक उत्पन्न मर्यादा आहे. उच्च उत्पन्न गटासाठी रुपये बारा लाखांहून अधिक वार्षिक कौटुंबिक उत्पन्न असणार्यांउचा समावेश असणार असून या गटासाठी कमाल मर्यादा ठेवण्यात आलेली नाही. अत्यल्प उत्पन्न गटातील व्यक्ती अत्यल्प व अल्प उत्पन्न गटासाठी अर्ज करू शकतात. अल्प उत्पन्न गटातील व्यक्ती अल्प व मध्यम उत्पन्न गटासाठी अर्ज करू शकतात. मध्यम उत्पन्न गटातील व्यक्ती मध्यम व उच्च उत्पन्न गटासाठी अर्ज करू शकतात. उच्च उत्पन्न गटातील व्यक्ती केवळ उच्च उत्पन्न गटासाठी अर्ज करू शकतात.