उरले फक्त 3 दिवस! 15 तारखेला बनतोय 'पॉवरफुल' योग, 'या' राशींवर बरसणार महादेवांची कृपा

यावर्षी 15 फेब्रुवारी 2026 रोजी महाशिवरात्रीचा मोठा सण साजरा केला जाणार आहे. ज्योतिषशास्त्राच्या दृष्टीने ही महाशिवरात्र अत्यंत विशेष मानली जात आहे, कारण या दिवशी मंगळ, बुध आणि चंद्र यांच्या नक्षत्रातील बदलामुळे अनेक शुभ योग तयार होत आहेत.

15 फेब्रुवारी 2026 रोजी साजरी होणारी यंदाची महाशिवरात्री ज्योतिषशास्त्राच्या दृष्टीने अत्यंत 'पॉवरफुल' ठरणार आहे. या दिवशी कुंभ राशीत सूर्य, बुध आणि शुक्र एकत्र येऊन 'त्रिग्रही योग' आणि 'लक्ष्मी नारायण योग' निर्माण करत आहेत. विशेषतः या तीन राशींच्या जातकांवर भगवान शंकराची असीम कृपा बरसणार आहे. जाणून घेऊयात कोणत्या आहेत त्या तीन भाग्यवान राशी.

कर्क - घरगुती सुख आणि धनलाभ: कर्क राशीच्या व्यक्तींसाठी ही महाशिवरात्री कौटुंबिक आनंद घेऊन येईल. वडिलोपार्जित संपत्तीतून लाभ होण्याची दाट शक्यता आहे. भगवान शिवाच्या कृपेने घरातील कलह संपतील आणि पालकांचे पूर्ण सहकार्य लाभेल. आर्थिक बाबतीतही अचानक धनलाभाचे योग आहेत.

कन्या - करिअरमध्ये यश आणि प्रगती: कन्या राशीच्या जातकांसाठी महाशिवरात्रीचा हा काळ करिअरमध्ये मोठी झेप घेण्याचा असेल. नोकरीमध्ये पदोन्नती किंवा पगारात वाढ होण्याचे संकेत आहेत. जे विद्यार्थी स्पर्धा परीक्षेची तयारी करत आहेत, त्यांना त्यांच्या कष्टाचे गोड फळ मिळेल. बुद्धीचा कारक बुध अनुकूल असल्याने तुमचे निर्णय अचूक ठरतील.

मीन - आध्यात्मिक प्रगती आणि मानसन्मान: मीन राशीसाठी हा काळ आत्मचिंतनाचा आणि यशाचा असेल. समाजात तुमची प्रतिष्ठा वाढेल. परदेश वारीचे किंवा लांबच्या प्रवासाचे स्वप्न पूर्ण होऊ शकते. जुन्या आजारातून मुक्तता मिळेल आणि मन प्रसन्न राहील.

रखडलेली कामे पूर्ण होतील: या तीनही राशींच्या व्यक्तींची जी कामे अनेक महिन्यांपासून किंवा वर्षांपासून अडकली होती, ती महाशिवरात्रीनंतर वेगाने पूर्ण होतील. विशेषतः कायदेशीर बाबींमध्ये तुमच्या बाजूने निकाल लागण्याची शक्यता आहे.

शत्रूंचा पराभव आणि मान-सन्मान: समाजात तुमची प्रतिष्ठा वाढेल. तुमचे विरोधक किंवा शत्रू या काळात पराभूत होतील. तुमच्या कार्यक्षेत्रात तुमचे वर्चस्व वाढेल आणि लोक तुमच्या सल्ल्याला महत्त्व देतील. विद्यार्थ्यांसाठी हा काळ एकाग्रता वाढवणारा असून स्पर्धा परीक्षांमध्ये यश मिळण्याचे योग आहेत. टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)