Govinda - Sunita : डिवोर्स, अफेअर झालं आता मुलाच्या करिअरवरून गोविंदा-सुनितामध्ये राडा, काय आहे नवा ड्रामा?

बॉलिवूडचा गोविंदा सध्या घरगुती वादामुळे चर्चेत आहे. त्याची पत्नी सुनीता आहुजा वारंवार दावा करत आहे की गोविंदाने त्याचा मुलगा यशवर्धन आहुजाच्या कारकिर्दीला कधीही पाठिंबा दिला नाही. गोविंदाने पहिल्यांदाच या आरोपांवर मौन सोडले आहे.

गोविंदाने हे आरोप फेटाळून लावले आणि स्पष्ट केले की त्याने त्याच्या कुटुंबाच्या आणि मुलांच्या कल्याणासाठी राजकारणापासून स्वतःला दूर ठेवलं आहे. त्याच्या मुलाला त्याच्या चित्रपट कारकिर्दीत मार्गदर्शन करण्यासाठी पावले देखील उचलली आहेत.

सुनीता आहुजाने मिस मालिनी यांच्या मुलाखतीत गोविंदावर जोरदार हल्ला चढवला. ती म्हणाली, "यश हा एक स्वनिर्मित मुलगा आहे. त्याने त्याच्या वडिलांकडून कोणतीही मदत घेतली नाही. गोविंदाचा मुलगा असूनही, त्याने 90 ऑडिशन्स दिल्या. त्याने गोविंदाला कोणालाही फोन करायला सांगितले नाही. गोविंदाने यशलाही मदत केली नाही."

"मी गोविंदाला थेट सांगितले, 'तू वडील आहेस का? जर तू तुझ्या मुलांना मदत केली नाहीस तर कोण करेल?' शाहरुख खान, अमिताभ बच्चन, सुनील शेट्टी आणि जॅकी श्रॉफ त्यांच्या मुलांना कसे पाठिंबा देत आहेत ते पहा."

या आरोपांवर एएनआयला दिलेल्या मुलाखतीत गोविंदा म्हणाला, "कोणीही मला हे कधीही विचारले नाही, परंतु आता प्रश्न उपस्थित झाला आहे, मी त्याचे उत्तर देईन."

पत्नी सुनीताच्या टोमण्यावर गोविंदानं उत्तर देताना म्हटलं, "मी माझ्या कुटुंबासाठी राजकारण सोडलं कारण मला राजकीय जीवनाचा माझ्या कुटुंबावर, विशेषतः माझ्या मुलांवर नकारात्मक परिणाम होऊ नये असे वाटत होते."

मुलाला काम मिळावं म्हणून गोविंदाने केलेल्या प्रयत्नांबद्दल तो म्हणाला, "मी नाडियाडवाला यांना सांगितलं आणि त्यांनी यशला चित्रपट कसे बनवायचे आणि कसे काम करायचे याबद्दल मार्गदर्शन केले."

मीडिया रिपोर्टनुसार, साजिद खान त्याच्या पुढच्या चित्रपटात यशवर्धन आहुजा याला हिरो भूमिकेत लाँच करणार आहे. या चित्रपटाचे नाव 'हंड्रेड' असं असून हा एक हॉरर चित्रपट आहे. यात 'मिसिंग लेडीज' फेम नितांशी गोयल देखील आहे. या चित्रपटाचे शूटिंग नुकतेच सुरू झाले आहे. सुनीता आहुजा म्हणाली हा चित्रपच 200 कोटींपेक्षा जास्त कमाई करेल.