स्विफ्टमधून आले, 'स्कॉर्पिओ' घेऊन गेले, बीडमध्ये खतरनाक चोरी CCTV मध्ये कैद

सुरेश जाधव, प्रतिनिधी, बीड: बीड शहरातील राजीव गांधी चौक परिसरातून पहाटेच्या सुमारास चारचाकी स्कॉर्पिओ गाडी चोरीला गेली.

राजीव गांधी चौक परिसरातून दोन दिवसापूर्वी पहाटे साडेतीनच्या दरम्यान काही चोरट्यांनी विशाल गोरख बोबडे नामक व्यक्तीची चारचाकी स्कॉर्पिओ गाडी चोरून नेली.

चारचाकी स्विफ्टकार मधून आलेल्या अज्ञात चोरट्यांनी रस्त्याच्या बाजूला पार्क केलेल्या चारचाकी स्कॉर्पिओ गाडीचे लॉक तोडून गाडी घेऊन गेले.

ही संपूर्ण घटना सीसीटीव्ही कॅमेऱ्यात कैद झाली आहे. सीसीटीव्ही कॅमेरात चोरटे स्पष्ट दिसत आहेत.

दरम्यान शिवाजीनगर पोलिसांत अज्ञात चोरट्यांविरूद्ध गुन्हा दाखल करण्यात आला असून पोलिसांकडून शोध घेतला जात आहे.