Union Budget 2026: जे 26 वर्षांत घडलं नाही ते निर्मला सीतारमण यांनी करुन दाखवलं, नोंदवला अनोखा विक्रम

आज संपूर्ण देशाच्या नजरा संसदेकडे लागल्या आहेत. अर्थमंत्री निर्मला सीतारामन आज सकाळी ११ वाजता २०२६-२७ या आर्थिक वर्षाचा अर्थसंकल्प सादर करणार आहेत. आजचा दिवस केवळ आर्थिक गणितांसाठीच नाही, तर अनेक ऐतिहासिक योगायोगांसाठी लक्षात ठेवण्यासारखा आहे.

निर्मला सीतारामन आज सलग नवव्यांदा देशाचा अर्थसंकल्प मांडणार आहेत. रविवार असूनही सरकारने सुट्टी रद्द करून आजच अर्थसंकल्प मांडण्याचा निर्णय घेतला. असं 26 वर्षांनंतर आज घडलं आहे.

भारतीय संसदीय इतिहासात आजवर कोणत्याही अर्थमंत्र्याला सलग नऊ वेळा बजेट सादर करण्याची संधी मिळालेली नाही. या विक्रमासह त्यांनी मोरारजी देसाई आणि मनमोहन सिंग यांच्यासारख्या दिग्गज नेत्यांच्या पंक्तीत आपले स्थान अढळ केले आहे.

साधारणपणे शनिवारी किंवा रविवारी संसदेला सुट्टी असते, मात्र यावेळी १ फेब्रुवारीला रविवार असूनही सरकारने अर्थसंकल्प सादर करण्याचे ठरवले आहे. भारतीय अर्थसंकल्पाच्या इतिहासात तब्बल २६ वर्षांनंतर रविवारी बजेट मांडले जात आहे. यापूर्वी १९९९ मध्ये तत्कालीन अर्थमंत्री यशवंत सिन्हा यांनी रविवारी अर्थसंकल्प सादर केला होता.

[caption id="attachment_1606883" align="alignnone" width="680"] केंद्रीय अर्थमंत्री निर्मला सीतारमण नवव्यांदा अर्थसंकल्प आज मांडणार आहेत. यापूर्वी कोणीही इतक्या वेळा अर्थसंकल्प सादर केलेला नाही. त्यामुळे हा त्यांच्या नावावर एक रेकॉर्ड आहे. या अर्थसंकल्पात कर, रेल्वे, महिलांसाठी काय काय घोषणा होतात याकडे संपूर्ण महाराष्ट्राचं लक्ष लागलं आहे.</dd> <dd>[/caption]

नोकरदारांना दिलासा मिळणार का? आयकरात काही सवलती मिळतील का, याकडे मध्यमवर्गीयांचे डोळे लागले आहेत. शेती आणि ग्रामीण विकासाचा विचार केला नुकत्याच झालेल्या राजकीय घडामोडी आणि आगामी निवडणुकांच्या पार्श्वभूमीवर ग्रामीण भारतासाठी मोठ्या घोषणा होऊ शकतात.