80 रुपये उधार घेऊन झाली लिज्जत पापडची सुरुवात, पहिली कमाई फक्त 50 पैसे, आज सर्वत्र आहे मागणी

लिज्जत पापडला बेसन, तेल, मिरपूड, आवश्यकतेनुसार पाणी आणि चवीनुसार मीठ टाकून कारागीर आणि यंत्राद्वारे तयार केले जाते. लिज्जत पापड अनेक फ्लेव्हरमध्ये तयार केला जातो.

गुजरात राज्यातील सात महिलांनी आपला मोकळा वेळ घालवण्यासाठी लिज्जत पापड बनवण्यास सुरुवात केली होती. त्यांनी नातेवाइकांकडून 80 रुपये उसने घेतले आणि नंतर उडीद डाळ, हिंग, मसाले इत्यादी खरेदी केले. तसेच घराच्या गच्चीवर पापड बनवायला सुरुवात केली. पहिल्या दिवशी त्यांनी एकूण 5 पाकिटे पापड बनवले. ते बाजारात विकले. त्यावेळी त्यांना फक्त 50 पैसे मिळाले.

मात्र, यानंतर नफा 1 रु., 10 रु., 100 रुपये आणि 6 हजार रुपयांपर्यंत वाढला. 1959 मध्ये लिज्जत पापडने 6,000 रुपये कमावले होते. हा पैसा मार्केटिंग किंवा जाहिरातीऐवजी पापडाचा दर्जा सुधारण्यासाठी वापरण्यात आला. यानंतर हळुहळु काम जसजसे पुढे सरकत गेले तसतसा यामध्ये लोकांचा सहभाग वाढला.

लिज्जत पापडच्या मुझफ्फरपुर येथील सेंटरवर सकाळपासूनच महिला एकत्र येतात. हा पापड सर्वत्र प्रसिद्ध झाला आहे. त्याची बाजारात मोठ्या प्रमाणात विक्री केली जाते. लिज्जत पापड खरेदीसाठी लोक दूरदूरवरून येतात.

देशभरातील 60 हून अधिक केंद्रांवर पापड बनवले जातात. असे असूनही प्रत्येक केंद्रावर तयार होणाऱ्या पापडाची चव सारखीच आहे.