वंदे भारतच्या मेन्यूमध्ये आता मिळणार खास पदार्थ! असेल स्थानिक टच

भारतीय रेल्वे आता वंदे भारत एक्सप्रेस गाड्या जलद आणि आरामदायी प्रवासापुरत्या मर्यादित ठेवत नाही. त्यांना भारताच्या सांस्कृतिक ओळखीशी जोडण्याचाही प्रयत्न करत आहे. यासाठी, आयआरसीटीसीने एक नवीन उपक्रम सुरू केला आहे. ज्यामध्ये वंदे भारत एक्सप्रेसमधील प्रवाशांना वेगवेगळ्या राज्यांतील पारंपारिक आणि स्थानिक पाककृती दिल्या जातात. प्रवाशांना त्यांच्या डेस्टीनेशनवर जलद पोहोचता यावे यासाठीच नव्हे तर भारताच्या वैविध्यपूर्ण खाद्यसंस्कृतीचा अनुभव घेता यावा, ज्यामुळे त्यांचा प्रवास संस्मरणीय होईल याची खात्री करणे हा यामागील उद्देश आहे.