Weather Update: अरबी समुद्रातून पावसाचं संकट! रत्नागिरीत उन्हाचा चटका, पुण्यासह पश्चिम महाराष्ट्रातील 4 जिल्ह्यांत पावसाचा इशारा

Weather Update: मागच्या 48 तासांमध्ये ढगाळ, उष्ण आणि दमट हवामान जाणवत आहे. ना धड पाऊस ना ऊन विचित्र वातावरण झालं आहे. राज्यातून थंडी आता अधिकृतपणे गाशा गुंडाळण्याच्या तयारीत आहे. मात्र, जाता जाता ही थंडी पावसाला निमंत्रण देऊन जात असल्याचे चित्र दिसत आहे. उत्तर भारतात सक्रिय झालेले 'वेस्टर्न डिस्टर्बन्स' आणि बंगालच्या उपसागरातील कमी दाबाचा पट्टा, या जोडगोळीमुळे महाराष्ट्राच्या हवामानात १७ आणि १८ फेब्रुवारीला मोठी उलथापालथ होणार आहे.