शेअर मार्केटवर मोठं संकट, गुंतवणूकदारांचं वाढलं टेन्शन 28 वर्षांपूर्वीचा रेकॉर्ड मोडणार

शेअर मार्केटची स्थिती अत्यंत खराब आहे. मागच्या 9 महिन्यात मार्केट मोठ्या प्रमाणात कोसळलं आहे. Nifty Index गेल्या पाच महिन्यांपासून सतत घसरत आहे, ज्यामुळे अनेक गुंतवणूकदारांचं टेन्शन वाढलं आहे. ही घसरण 28 वर्षांतील सर्वात मोठी घसरण असल्यचं मानलं जात आहे. शेअर बाजारातील हा ट्रेंड शेवटच्या वेळी 1996 मध्ये दिसला होता आणि आता पुन्हा एकदा तो इतिहास घडतोय.

सध्या भारतीय बाजारात घसरण होण्याची अनेक कारणे आहेत. FIIs (Foreign Institutional Investors) म्हणजेच परदेशी गुंतवणूकदारांनी गेल्या काही महिन्यांत मोठ्या प्रमाणावर भारतीय शेअर्सची विक्री केली आहे. ऑक्टोबर 2024 पासून आतापर्यंत 2 लाख कोटी रुपयांचे शेअर्स विकले गेले आहेत.

डॉलरची किंमत वाढत आहे आणि रुपया दिवसेंदिवस कमकुवत होत आहे. त्यामुळे परदेशी गुंतवणूकदारांना भारतीय बाजारपेठ आकर्षक वाटत नाही. दुसरं आणि महत्त्वाचं म्हणजे टेक सेक्टर आणि ऑटो सेक्टरला मोठा फटका गेल्या काही महिन्यात बसला आहे.

सीएनबीसी आवाजने दिलेल्या वृत्तानुसार अमेरिकेत महागाई वाढण्याची शक्यता आहे. त्यामुळे फेडरल रिझर्व्हने व्याजदर कपात थांबवण्याचे संकेत दिले आहेत. याचा परिणाम भारतीय बाजारावर होतो आहे. सध्या चीनच्या बाजारात मोठी वाढ होत आहे. त्यामुळे गुंतवणूकदारांचा कल चीनकडे वाढला आहे. भारतीय बाजाराचे मार्केट कॅपिटलायझेशन 1 ट्रिलियन डॉलरने घटले आहे, तर चीनच्या बाजाराचे 2 ट्रिलियन डॉलरने वाढले आहे.

सीएनबीसी आवाजने दिलेल्या वृत्तानुसार 1996 नंतर पहिल्यांदाच Nifty पाच महिन्यांपासून सतत घसरत आहे. 1994-95 रोजी साधारणपणे 8 महिने मार्केट डाऊन झालं होतं. तेव्हा -31.4 टक्क्यांनी कोसळल्याचा फटका गुंतवणूकदारांना बसला होता. 1996 रोजी 5 महिन्यांमध्ये मोठं नुकसान झालं होतं. एकूण घसरण -26 टक्क्यांपर्यंत झाली होती. 2024-25 रोजी मागच्या 5 महिन्यात एकूण घसरण -11.7 टक्क्यांनी झाली आहे.

शेअर बाजारात अशा घसरणीच्या काळात अनेकांना आपले पैसे बुडतील अशी भीती वाटते. पण याच वेळी स्मार्ट गुंतवणूकदारांसाठी सुवर्णसंधी (Golden Opportunity) निर्माण होते. मात्र अभ्यास न करता तुम्ही गुंतवणूक केली तर मात्र हातात असलेले पैसेही बुडण्याची शक्यता आहे. त्यामुळे रिस्क आहे पण योग्य अभ्यास करुन जर पैसे गुंतवले तर मोठा फायदा होऊ शकतो. Geojit Financial Services चे चीफ स्ट्रॅटेजिस्ट वी. के. विजयकुमार म्हणतात, "या घसरणीमुळे चांगले शेअर्स स्वस्तात मिळत आहेत. लांब कालावधीसाठी गुंतवणूक करणाऱ्यांनी घाबरू नये."

सीएनबीसी आवाजने दिलेल्या वृत्तानुसार सध्याचा काळ असा आहे की शॉर्ट टर्म गुंतवणूक करणाऱ्यांसाठी जोखीम जास्त आहे. शेअर्स विकण्याचा विचार करत आहेत त्यांना धोका जास्त आहे. थोडक्यात नुकसान सहन करावे लागेल. लाँग टर्मसाठीसाठी ही उत्तम संधी आहे. मार्केट एक्सपर्ट्सच्या मते, पुढील काही महिन्यांत बाजार पुन्हा सुधारेल.नेहमीच शेअर बाजाराने दीर्घकालीन गुंतवणूकदारांना उत्तम रिटर्न मिळतील