Gold-Silver Price: आज सोन्या-चांदीच पुन्हा तेजी! पाहा किती रुपयांनी महाग झालंय सोनं

Gold-Silver Price: सोन्या-चांदीच्या किंमतीमध्ये एमसीएक्सवर आज किंचित वाढ पाहायला मिळाली आहे. तर काल म्हणजेच 12 फेब्रुवाीला सोनं आणि चांदीच्या किंमती गुरुवाती कोसळल्या होत्या. कारण अमेरिकेत मजबूत नोकर्यांचा डेटा आला, ज्यामुळे डॉलर मजबुत झाला आणि फेडरल रिझर्व्हने लवकरच व्याजदर कमी करण्याची आशा कमी झाली.

आंतरराष्ट्रीय बाजारात, स्पॉट गोल्ड 0.4 टक्क्यांनी घसरून 5058.64 डॉलर प्रति औंसवर आला. एप्रिल डिलिव्हरीसाठी अमेरिकन सोन्याचा वायदा 0.3 टक्क्यांनी घसरून 5080 डॉलरप्रति औंसवर बंद झाला.

चांदीची किंमत अधिक घसरली आणि स्पॉट सिल्व्हर 1.4टक्क्यांनी घसरून 82.87 डॉलर प्रति औंसवर आला. बुधवारी, चांदी जवळजवळ 4 टक्क्यांनी वाढली होती, परंतु मजबूत अमेरिकन डेटामुळे नफा बुकिंग झाली.

आज सोन्या-चांदीचा भाव काय? : भारतात एमसीएक्सवरही सोनं आणि चांदीवर परिणाम झाला आहे. मात्र देशांतर्गत बाजारात किंमती आंतरराष्ट्रीय स्तरावर अवलंबून असतात. आज एमसीएक्सवर सोन्याचा दर 1700 रुपये प्रति 10 ग्रामच्या तेजीसह 154519 रुपयांवर आला आहे. तर चांदी 4600 रुपये प्रति किलोग्रामच्या तेजीसह आज शुक्रवारी ट्रेड करतेय. चांदीचा भाव आज 241393 रुपये प्रति किलोवर आहे.

वेगवेगळ्या शहरांत सोन्या-चांदीचे भाव किती? : मुंबई, चेन्नई आणि कोलकातामध्ये 22 कॅरेट सोनं 1,45,190 रुपये प्रति 10 ग्रामवर विकले जात आहे. तर 24 कॅरेट सोन्याची किंमत 1,58,390 रुपये प्रति 10 ग्राम आहे.पुणे आणि बेंगळुरूमध्ये 24 कॅरेट सोने प्रति 10 ग्रॅम 1,58,390 रुपये आणि 22 कॅरेट सोने प्रति 10 ग्रॅम 1,45,190 रुपये दराने उपलब्ध आहे.

सोने आणि चांदीवर दबाव कशामुळे आला? : जानेवारीमध्ये अमेरिकेतील बिगरशेती वेतन डेटा अपेक्षेपेक्षा चांगला आला. तज्ञांनी फक्त 70,000 च्या आसपास रोजगाराची अपेक्षा केली होती, तर 1,30,000 नवीन रोजगारांची भर पडली. बेरोजगारीचा दर किंचित घसरून 4.3 टक्क्यांवर आला. मागील महिन्यांतही सुधारणा झाल्या, 2025 मध्ये एकूण 1,81,000 नोकऱ्यांची भर पडली, जी पूर्वीच्या अंदाजापेक्षा कमी होती, परंतु जानेवारीचा आकडा मजबूत दिसत होता. यामुळे अमेरिकन डॉलर निर्देशांक सलग दोन दिवस मजबूत झाला.

मजबूत डॉलरमुळे सोने आणि चांदी महाग होते कारण इतर चलने असलेले लोक ते खरेदी करण्यास कमी सक्षम असतात. याव्यतिरिक्त, यूएस ट्रेझरी उत्पन्न वाढले, ज्यामुळे व्याज नसलेल्या सोन्यावर दबाव आला.