IND vs SA : पराभवानंतर टीम इंडियाच्या ड्रेसिंग रूममध्ये सन्नाटा, प्लेइंग इलेव्हनमधून तिघांना डच्चू

सुपर 8 च्या पहिल्याच सामन्यात साऊथ आफ्रिकेने टीम इंडियाचा 76 धावांनी पराभव केला आहे.

साऊथ आफ्रिकेने दिलेल्या 187 धावांच्या लक्ष्याचा पाठलाग करताना टीम इंडिया फक्त 111 धावांवर ऑलआऊट झाली आहे. त्यामुळे टीम इंडियाने हा सामना 76 धावांनी हारला आहे.

टीम इंडियाच्या या वर्ल्ड कपमधील पहिल्याच पराभवानंतर ड्रेसिंग रूममध्ये सन्नाटा पसरला आहे. याचा अर्थ टीम इंडियाच्या प्लेइंग इलेव्हनमध्ये आता काही बदल होण्याची शक्यता आहे.

खरं तर टीम इंडियाच्या पराभवाची अनेक कारणे आहेत. बॅटींग आणि बॉलिंग दोन्ही विभागात भारत आज फ्लॉप ठरला होता.भारताच्या या कामगिरीनंतर आता तीन खेळाडूंना डच्चू मिळणार असल्याचे बोलले जात आहे.

पहिला खेळाडू म्हणजे टीम इंडियाचा अभिषेक शर्मा. अभिषेक शर्मा मागच्या तीन सामन्यापासून शुन्यावर बाद होत होता.आज त्याला स्वत:ला सिद्ध करायची संधी होती. पण आज देखील तो 15 धावांवर बाद झाला आहे. त्यामुळे त्याचा सततची ही खराब कामगिरी पाहता त्याच्या जागी संजू सॅमसनला संघात संधी मिळण्याची शक्यता आहे.

दुसरा खेळाडू म्हणजे टीम इंडियाचा अर्शदिप सिंह आहे. अर्शदिप सिंहने 4 ओव्हरमध्ये 28 धावा देऊन 2 विकेट काढल्या होत्या.त्याने चांगली कामगिरी केली. पण पुढील सामन्यांचे समीकरण पाहता कुलदीप यादवला संघा संधी दिली जाण्याची शक्यता आहे.

आफ्रिकेविरूद्ध सामन्यात अक्षर पटेला बाहेर बसवून वॉशिंग्टन सुंदरला संघात घेऊन सूर्याने मोठी चूक केली. कारण वॉशिंग्टन सुंदर 2 ओव्हरमध्ये 17 धावा दिल्या. त्यानंतर तो फलंदाजीत फारशी चांगली कामगिरी करू शकला नाही आणि 11 धावांवर बाद झाला.त्यामुळे अक्षरला पुन्हा संघात संधी दिली जाणार आहे.