TRENDING:
नेमकी घटना काय?
इंदिरा गांधी वसाहतीत एक सार्वजनिक कार्यक्रम सुरू होता. यावेळी फिर्यादी कुणाल तुजारे यांचे वडील नंदकिशोर तुजारे हे तिथे नृत्य (डान्स) करत होते. डान्स करत असताना त्यांचा धक्का आरोपी प्रमोद घडसिंग याला लागला. याच कारणावरून दोघांमध्ये बाचाबाची सुरू झाली. धक्का लागल्याच्या रागातून आरोपींनी नंदकिशोर यांना मारहाण करण्यास सुरुवात केली. जेव्हा कुणाल आणि त्यांचा पुतण्या मध्यस्थी करण्यासाठी आणि जाब विचारण्यासाठी गेले, तेव्हा आरोपींच्या टोळक्याने त्यांनाही सोडले नाही. या टोळक्याने चौघांनाही बेदम मारहाण केल्याने परिसरात तणावाचे वातावरण निर्माण झाले होते.
advertisement
पाच जणांविरुद्ध गुन्हा दाखल
कुणाल तुजारे यांनी दिलेल्या फिर्यादीनुसार पोलिसांनी पाच जणांविरुद्ध गुन्हा नोंदवला आहे. प्रमोद घडसिंग, समीर घडसिंग, भय्या सरोदे, तेजस देवकर, ओंकार पाटोळे (सर्व राहणार: इंदिरा गांधी वसाहत, औंध) अशी गुन्हा दाखल झालेल्यांची नावं आहेत.
चतुःशृंगी पोलीस या प्रकरणाचा अधिक तपास करत असून, सार्वजनिक कार्यक्रमात शांतता भंग करणाऱ्यांवर कडक कारवाई केली जाईल, असे संकेत पोलिसांनी दिले आहेत.