उसने पैसे देताना दहावेळा विचार करा! पुण्यात पैसे परत मागताच समोरच्याची सटकली, पिस्तूल काढला अन्...

नेमकी घटना काय?

फिर्यादी कानिफनाथ विष्णू नायडू (वय ५१, रा. भवानी पेठ) यांनी आरोपींना काही पैसे हातउसने दिले होते. रविवारी नायडू हे आपल्या दोन भाच्यांसह शंकरशेठ रस्त्यावरील स्मशानकाली मंदिरात दर्शनासाठी गेले होते. त्या ठिकाणी आरोपींची भेट झाली. यावेळी नायडू यांनी आपले पैसे परत मागितले. याच कारणावरून आरोपींनी त्यांच्याशी वाद घालण्यास सुरुवात केली.

advertisement

'ती गॅलरीतून पडली'; मृत पत्नीला घेऊन रुग्णालयात पोहोचला पुण्यातील पती, पोलीस तपासात धक्कादायक खुलासा

वादाचे रूपांतर हाणामारीत झाले आणि आरोपींनी नायडू यांच्या डोक्यावर धारदार शस्त्राने वार केले. त्यांना वाचवण्यासाठी त्यांचे भाचे मध्यस्थी करायला आले असता, आरोपींनी त्यांच्यावरही पिस्तूल रोखले आणि जीवे मारण्याची धमकी दिली. या हल्ल्यात नायडू आणि त्यांचे दोन्ही भाचे जखमी झाले आहेत.

घटनेची माहिती मिळताच स्वारगेट पोलिसांनी घटनास्थळी धाव घेतली. नायडू यांनी दिलेल्या फिर्यादीवरून पोलिसांनी खुनाच्या प्रयत्नाचा गुन्हा नोंदवून दोन आरोपींना अटक केली आहे. फरार असलेल्या इतर चार आरोपींचा शोध पोलीस घेत आहेत. भरदिवसा पिस्तुलाचा धाक दाखवून झालेल्या या हल्ल्यामुळे शहरातील कायदा आणि सुव्यवस्थेचा प्रश्न पुन्हा ऐरणीवर आला आहे.