'ती गॅलरीतून पडली'; मृत पत्नीला घेऊन रुग्णालयात पोहोचला पुण्यातील पती, पोलीस तपासात धक्कादायक खुलासा

पुणे : पुण्यातून पुन्हा एकदा हत्येचं एक खळबळजनक प्रकरण समोर आलं. बिबवेवाडी परिसरात २४ मार्च रोजी सायंकाळच्या सुमारास घडलेल्या एका हत्याकांडाचा पोलिसांनी छडा लावला आहे. पत्नी गॅलरीतून खाली पडल्याने तिचा मृत्यू झाला, असा खोटा बनाव रचणाऱ्या नराधम पतीला पोलिसांनी अटक केली आहे. सारिका शुभम घोडके (वय २३) असे मृत विवाहितेचे नाव आहे. याप्रकरणी आरोपी पती शुभम श्रीकांत घोडके (वय २९) याला पोलिसांनी बेड्या ठोकल्या आहेत.