TRENDING:
नेमकी घटना काय?
सकाळी १० वाजण्याच्या सुमारास मुंबईच्या दिशेने जाणाऱ्या एका गॅस टँकरचे अचानक ब्रेक फेल झाले. टँकरमध्ये गॅस असल्याने मोठा धोका निर्माण झाला होता. मात्र, चालकाने अत्यंत प्रसंगावधान राखले आणि टँकर महामार्गावर पलटी होऊ न देता बाजूच्या डोंगराला धडकवला. सुदैवाने, टँकर पलटी झाला नाही आणि गॅस गळतीसारखा कोणताही गंभीर प्रकार घडला नाही.
advertisement
यंत्रणेची 'सुपरफास्ट' कारवाई
अपघाताची माहिती मिळताच महामार्ग पोलीस आणि आयआरबी (IRB) प्रशासनाने क्षणाचाही विलंब न लावता घटनास्थळी धाव घेतली. मागील अनुभवातून धडा घेत यंत्रणांनी तातडीने क्रेन बोलावली आणि काही वेळातच टँकर सुरक्षितपणे बाजूला घेतला. या प्रक्रियेत वाहतूक काही काळासाठी संथ झाली होती, परंतु ती पूर्णपणे ठप्प होणार नाही याची काळजी पोलिसांनी घेतली.
प्रवाशांनी व्यक्त केला आनंद
साधारणपणे वाहतूक कोंडीमुळे महामार्ग पोलिसांवर संताप व्यक्त करणारे प्रवासी यावेळी मात्र त्यांच्या कामावर खुश दिसले. अवघ्या काही वेळातच मार्ग मोकळा झाल्याने प्रवाशांनी सोशल मीडिया आणि प्रत्यक्ष पोलिसांचे कौतुक केले. "प्रशासनाने अशाच प्रकारे तत्परता दाखवली तर एक्सप्रेस-वे वरील प्रवासाचा ताण कमी होईल," अशा प्रतिक्रिया वाहनचालकांनी व्यक्त केल्या.