TRENDING:
मुक्ता पुसाळकर यांनी सांगितले की, “मुंबईतील काळा घोडा फेस्टिव्हल अंतर्गत आयोजित चिल्ड्रन्स इन्स्टॉलेशन विभागात पिंपरी-चिंचवड महानगरपालिकेच्या चार शाळांची निवड करण्यात आली होती. आमच्या शाळेने मानवी विचारांचे रोलरकोस्टर या विषयावर सादरीकरण केले होते. या मॉडेलमध्ये अनेक टाकाऊ वस्तूंचा प्रभावी वापर करून मानवी मनाचा वेध, भावनांची गुंतागुंत आणि आत्मसंयम यांचे प्रतीकात्मक दर्शन घडवण्यात आले आहे. मानवी विचारांचा आणि भावनांचा सखोल उलगडा या मॉडेलमधून होत असल्याने आमच्या शाळेचे सादरीकरण विशेष लक्षवेधी ठरले.”
advertisement
इन्स्टॉलेशनची कलात्मक मांडणी
मानवी विचारांचे रोलरकोस्टर हे मॉडेल तयार करण्यासाठी शाळेने अनेक महिन्यांपासून मेहनत घेतली होती. या सादरीकरणात सायकलच्या चाकांमध्ये धावणारा घोडा मानवी विचारांचा वेग आणि इच्छाशक्ती दाखवतो, तर दोरी पकडून उभी असलेली मुलगी आत्मसंयम आणि विवेक दर्शवते. टाकाऊ वस्तूंमधून तयार केलेले चेहरे आणि मानवी आकृती जीवनातील संघर्ष आणि मानसिक चढ-उतार दाखवतात. विचारांवर नियंत्रण ठेवून योग्य दिशा घ्यावी, असा संदेश देणाऱ्या या इन्स्टॉलेशनमुळे विद्यार्थ्यांनी या स्पर्धेत बाजी मारली आहे. महानगरपालिकेच्या शाळेच्या प्रथम क्रमांक आल्यामुळे त्याच सर्वत्र कौतुक केलं जात आहे.
दरम्यान, मुंबईतील प्रतिष्ठित काळा घोडा फेस्टिव्हल 2026 हा 31 जानेवारी ते 8 फेब्रुवारी या कालावधीत नुकताच पार पडला. या फेस्टिव्हलला अनेक वर्षांची परंपरा असून देशभरातील कलाकार येथे आपली कला सादर करण्यासाठी येतात. पूर्ण भारतातील विविध कलाकृतींची झलक या फेस्टिव्हलमध्ये पाहायला मिळते. या स्पर्धेचा निकाल नुकताच जाहीर करण्यात आला आहे. स्पर्धेत महाराष्ट्रासह देशातील विविध राज्यांतील अनेक नामांकित व खासगी शाळांनी सहभाग नोंदवला होता.