पुणेकरांना मोठा दिलासा! विद्यापीठ चौकातील वाहतूक कोंडीला रामराम, डबलडेकर उड्डाणपुलाबाबत मोठी अपडेट

बाणेर विंग: बाणेर ते शिवाजीनगर बाजूला जाणारा रॅम्प पूर्ण झाला असून सध्या त्यावर दिशादर्शक फलक बसवण्याचे काम सुरू आहे. या आठवड्याच्या शेवटी हा मार्ग खुला होईल.

हा १.७ किमी लांबीचा उड्डाणपूल देशातील अशा दुर्मिळ प्रकल्पांपैकी एक आहे, जिथे एकाच खांबावर खालच्या मजल्यावर तीन पदरी रस्ता आणि वरच्या मजल्यावर मेट्रो धावणार आहे. औंध, बाणेर आणि पाषाणकडून येणारे रॅम्प एकात्मिक पुलाला मिळून वाहतूक सुरळीत करतील.

"पीक अवर्समध्ये विद्यापीठ चौक ओलांडण्यासाठी ४५ मिनिटे लागतात. हा पूल पूर्ण होणे अनेक दिवसांपासून प्रलंबित होते," अशी भावना एका नियमित प्रवाशाने व्यक्त केली. २०२० मधील लॉकडाऊन काळात जुने दोन छोटे पूल पाडून या भव्य प्रकल्पाचे काम हाती घेण्यात आले होते. आता हा पूल पूर्ण क्षमतेने सुरू झाल्यास इंधन, वेळ आणि प्रदूषणात मोठी बचत होणार आहे.