पुणेकरांनो आता सावधच राहा! बिबवेवाडीत थेट घराच्या बेडरूममध्ये घुसून अज्ञातांचं धक्कादायक कांड, परिसरात खळबळ

नेमकी घटना काय?

बिबवेवाडीतील महेश सोसायटीत राहणारे एक ज्येष्ठ नागरिक रविवारी काही कामानिमित्त घराला कुलूप लावून बाहेर गेले होते. घर बंद असल्याचं पाहून पाळत ठेवून असलेल्या चोरट्यांनी संधी साधली. अज्ञात चोरट्यांनी घराचं कुलूप तोडून आत प्रवेश केला आणि बेडरूममधील कपाट उचकटलं. कपाटात ठेवलेले सोन्याचे मौल्यवान दागिने आणि रोख रक्कम असा एकूण १६ लाख १३ हजार रुपयांचा मुद्देमाल घेऊन चोरटे पसार झाले.

advertisement

ज्येष्ठ नागरिकाची पोलिसात धाव

तक्रारदार घरी परतल्यानंतर त्यांना घराचं कुलूप तुटलेलं दिसलं. घरात प्रवेश करताच कपाटातील सामान अस्ताव्यस्त पडलेलं आणि दागिने गायब असल्याचं त्यांच्या निदर्शनास आलं. याप्रकरणी त्यांनी तातडीनं बिबवेवाडी पोलीस ठाण्यात धाव घेऊन फिर्याद दिली आहे.

घटनेची माहिती मिळताच पोलिसांनी घटनास्थळी भेट देऊन पंचनामा केला आहे. सोसायटीतील आणि परिसरातील सीसीटीव्ही (CCTV) फुटेज तपासण्याचे काम सुरू असून, चोरट्यांचा माग काढण्यासाठी गुन्हे शाखेची मदत घेतली जात आहे. वर्दळीच्या ठिकाणी अशा प्रकारे मोठी घरफोडी झाल्याने पोलिसांच्या गस्तीवरही प्रश्नचिन्ह उपस्थित केले जात आहे.