TRENDING:
आरोपी महिलेला तिचा पती पीडित महिलेसोबत अनैतिक संबंधात असल्याचा संशय आला, त्यावरून आरोपी महिला आणि तिच्या आणखी एका मैत्रिणीने महिलेला पकडले आणि तिला मारहाण केली तसंच तिच्यावर ऍसिड सदृश्य पदार्थ फेकला. एवढच नाही तर आरोपी महिलांनी पीडित महिलेच्या चेहऱ्यावर दगडाने वारही केले.
हल्ल्यादरम्यान एका आरोपी महिलेने बाटलीमधून ऍसिडसारखे ज्वलनशील द्रव्य महिलेच्या चेहऱ्यावर ओतले, त्यामुळे महिलेला जखमा झाल्या आणि त्वचेवर जळजळ सुरू झाली. हल्ल्यानंतर पीडित महिलेला रुग्णालयात दाखल करण्यात आले, तिथे तिच्यावर उपचार सुरू आहेत, अशी माहिती पोलीस अधिकाऱ्यांनी दिली आहे. महिलेच्या शरिरावर नेमका कोणतं द्रव्य फेकलं गेलं होतं? याचा तपास करण्यासाठी पोलीस मेडिकल रिपोर्ट आणि फॉरेन्सिक पुराव्यांची वाट पाहत आहेत.
advertisement
बायकोच्या चेहऱ्यावर फेकला उकळता चहा
दरम्यान कौटुंबिक वादातून बायकोच्या चेहऱ्यावर पतीने उकळता चहा फेकल्याची धक्कादायक घटना पुण्यात घडली आहे. 23 वर्षीय तरुणी आणि आरोपी 27 वर्षीय पती पुण्यातील पौड रस्त्यावरील भागात राहतात. वर्षभरापूर्वी यांचे लग्न झाले होते. गेल्या काही दिवसांपासून त्यांच्यात कौटुंबिक कारणांवरून वाद सुरू होते. बुधवारी (31 डिसेंबर) सकाळी साडेदहाच्या सुमारास तक्रारदार तरुणी झोपली असताना, पतीसोबत किरकोळ कारणावरून वाद झाला. या वादातून पतीने तिच्या चेहऱ्यावर उकळता चहा फेकला. या घटनेत तरुणीच्या चेहऱ्याला दुखापत झाली आहे.
कोथरूड पोलिसांनी याप्रकरणी आरोपी पतीविरुद्ध गुन्हा दाखल केला असून पुढील तपास सुरू केला आहे. आरोपी पती हा खासगी नोकरी करत आहे.