हिंदू नवं वर्ष ठरणार खास! पहिल्याच दिवशी ब्रम्ह मुहूर्तावर न चुकता करा 'हे' काम, वर्षभर मिळेल तगडा फायदा

ब्रह्म मुहूर्तावर उठणे आणि स्नान

19 मार्च रोजी ब्रह्म मुहूर्त पहाटे 04:51 ते 05:39 पर्यंत असेल. या काळात उठणे भाग्योदयासाठी अत्यंत शुभ मानले जाते. गुढीपाडव्याच्या दिवशी सुवासिक तेल आणि उटणे लावून अभ्यंग स्नान करावे. यामुळे शरीरातील नकारात्मक ऊर्जा बाहेर पडते आणि चैतन्य मिळते. स्नानानंतर देवासमोर हात जोडून नवीन वर्षात प्रगती आणि आरोग्याचा 'संकल्प' करावा. वर्षाच्या सुरुवातीला केलेला संकल्प पूर्ण होण्याची दाट शक्यता असते.

advertisement

सूर्य उपासना आणि मंत्र जप

ब्रह्म मुहूर्तावर सूर्याची पहिली किरणे अंगावर पडण्यापूर्वी सूर्याला अर्घ्य देण्याची तयारी करावी. या दिवशी ब्रह्म मुहूर्तावर गायत्री मंत्र किंवा आदित्य हृदय स्तोत्राचे पठण केल्याने आत्मविश्वास वाढतो. किमान 10 ते 15 मिनिटे शांत बसून ध्यान करावे. यामुळे मानसिक शांती लाभते आणि वर्षभर निर्णय घेण्याची क्षमता वाढते. या काळात केलेली प्रार्थना ईश्वर लवकर स्वीकारतो, अशी धार्मिक धारणा आहे.

घराची स्वच्छता आणि मुख्य प्रवेशद्वार

ब्रह्म मुहूर्ताच्या सुमारास घराची स्वच्छता करून मुख्य प्रवेशद्वार सजवणे समृद्धीचे लक्षण आहे. घराच्या दरवाजाला आंबा किंवा अशोकाच्या पानांचे तोरण लावावे. प्रवेशद्वारावर सुंदर रांगोळी काढून दीप प्रज्वलित करावा. यामुळे माता लक्ष्मीचे घरामध्ये आगमन होते. जरी गुढी उभारण्याचा मुख्य मुहूर्त सूर्योदयानंतर असला, तरी त्याची पूर्वतयारी ब्रह्म मुहूर्तावर केल्यास पूजेमध्ये विशेष उत्साह आणि पावित्र्य येते.

कडुनिंबाचे सेवन आणि आरोग्य

नववर्षाच्या पहिल्या दिवशी ब्रह्म मुहूर्तावर किंवा सकाळी लवकर रिकाम्या पोटी कडुनिंबाच्या पानांचे सेवन करण्याची जुनी परंपरा आहे. कडुनिंबाची पाने, गूळ, जिरे आणि ओवा यांचे मिश्रण खाल्ल्याने शरीराची रोगप्रतिकारक शक्ती वाढते. वसंत ऋतूत होणाऱ्या बदलांमुळे उद्भवणाऱ्या आजारांपासून रक्षण करण्यासाठी हा एक उत्तम आयुर्वेदिक उपाय आहे. हा प्रसाद वर्षभर आरोग्य चांगले राहण्यासाठी आणि जीवनातील कडू-गोड अनुभवांना सामोरे जाण्यासाठी शक्ती देतो.

टीप : (वरील माहिती सामान्य माहितीवर आधारीत आहेत. न्यूज 18 मराठी याची पुष्टी करत नाही. आपला उद्देश तुमच्यापर्यंत माहिती पोहोचवण्याचा आहे.)