TRENDING:
हिंदू कॅलेंडरनुसार, मार्गशीर्ष महिन्याच्या कृष्ण पक्षाच्या चतुर्थी तिथीला संकष्टी चतुर्थी साजरी केली जाते. संकष्टी तिथी 30 डिसेंबर रोजी सकाळी 9.43 पासून सुरू होईल आणि 31 डिसेंबर रोजी सकाळी 11.55 पर्यंत असेल. संकष्टीला चंद्रदर्शनानंतर उपवास सोडला जातो.
संकष्टीची पूजा करण्यासाठी ब्रह्म मुहूर्तावर उठून स्नान करून गणेशाला नमस्कार करावा. त्यानंतर घराची बाहेरील बाजू स्वच्छ करा आणि घराच्या काना-कोपऱ्यात गंगाजल शिंपडावे.
advertisement
सकाळची नित्य कामे, आंघोळ करून झाल्यावर पिवळे कपडे घाला. शक्य असल्यास लाल रंगाचे कपडे घालावे. त्यानंतर देव्हाऱ्यात चौरंगावर स्वच्छ पिवळे किंवा लाल रंगाचे कापड पसरून श्रीगणेशाची प्रतिष्ठापना करा.
बाप्पा मोरया! बुधवारची सुरुवात करा या 5 दिव्य मंत्रांनी, गणेश कृपेनं मिळेल यश
श्रीगणेशाच्या मूर्तीसमोर बसून उजव्या तळहातात पाणी घेऊन व्रताचा संकल्प करा. पंचोपचार करून पूर्ण विधीपूर्वक श्रीगणेशाची पूजा करावी. पूजेत गणपतीला दुर्वा आणि मोदक अर्पण करा.
त्यानंतर उदबत्ती आणि दिवा लावा आणि गणेश चालीसा पठण करा. गणपतीची आरती करून पूजेची सांगता करा. पूजेनंतर, देवाला मनापासून प्रार्थना करा आणि मनोकामना व्यक्त करा. अशा प्रकारे पूजा पूर्ण होईल.
दिवसभर उपवास ठेवा आणि संध्याकाळी संध्याआरती करा आणि चंद्रदेवाचे दर्शन घ्या. दिवसभर फक्त फलाहार करून दुसऱ्या दिवशी उपवास सोडावा. अशा प्रकारे तुमची संकष्टीची पूजा आणि व्रत पूर्ण होईल.
बाळासाठी खास असं नाव शोधताय? मग श्री रामावरून ही 6 युनिक नावं पाहून घ्या
(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)