अफगाणिस्तानमधील 'ही' अभिनेत्री आहे टीम इंडियाची फॅन; सोशल मीडियावर उघडपणे करते भारताचं कौतुक

अफगाणिस्तानमधील अभिनेत्री आणि मॉडेल वाजमा केवळ आपल्या देशाच्या टीमलाच नाही तर भारतालाही सपोर्ट करते. ती अनेकदा टीम इंडियासाठी सोशल मीडियावर पोस्ट शेअर करत असते. 1995मध्ये अफगाणिस्तानमध्ये वाजमाचा जन्म झाला. सध्या ती दुबईमध्ये राहते. 28 वर्षे वय आणि 5 फूट 9 इंच उंची असलेली वाजमा आपल्या सौंदर्यासाठी ओळखली जाते. सोशल मीडियावर तिचे अनेक चाहते आहेत. तिचं वैयक्तीक आयुष्य एखाद्या साहसापेक्षा कमी नाही.

advertisement

हेही वाचा - ...म्हणून नीलम आणि बॉबीचं होता-होता फिसकटलेलं! इतक्या वर्षांनी अभिनेत्रीनं केला खुलासा

वाजमा अयुबी क्रिकेटची मोठी चाहती आहे. भारतीय क्रिकेटर विराट कोहली तिचा आवडता क्रिकेट खेळाडू आहे. याशिवाय, तिला टीम इंडियातील इतरही खेळाडू आवडतात. टीम इंडियाच्या मॅच बघण्यासाठी ती अनेकदा उपस्थित राहते. इतकंच नाही तर टीम इंडियाची जर्सी घालून टीमला चिअरही करते. काही दिवसांपूर्वीच तिनं मोहम्मह शमीच्या बॉलिंगचं कौतुक केलं होतं. शमीसाठी तिनं सोशल मीडियावर पोस्टही केली होती. वाजमा अयुबीनं मोहम्मद शमीसाठी केलेलं हृदयस्पर्शी ट्विट चर्चेचा विषय ठरलं आहे.

29 ऑक्टोबर रोजी लखनौ येथील 'भारतरत्न श्री अटल बिहारी वाजपेयी इकाना क्रिकेट स्टेडियम'वर भारत आणि इंग्लंड यांच्यात क्रिकेट मॅच झाली. त्या मॅचमध्ये शमीनं चमकदार कामगिरी करून चार विकेट्स घेतल्या होत्या. त्याच्या कामगिरीमुळे अफगाण फॅन गर्ल वाजमा अयुबीला फार आनंद झाला. तिनं एक्सवर (ट्विटर) शमीसाठी एक हृदयस्पर्शी मेसेज पोस्ट केला. "तो मैदानाचा राजा आहे. तो शानदार खेळाडू आहे", असा तो मेसेज होता. तिचं हे ट्विट सोशल मीडियावर व्हायरल झालं.