TRENDING:
14 व्या ओव्हरमध्ये काय घडलं?
साऊथ अफ्रिकाविरुद्धच्या मॅचदरम्यान वॉशिंग्टन सुंदर आणि दक्षिण आफ्रिकेचा बॅट्समन डेव्हिड मिलर यांच्यात मैदानावर जोरदार खडाजंगी पाहायला मिळाली. 14 व्या ओव्हरमध्ये ही घटना घडली, जेव्हा सुंदरने बॉलिंग करताना अचानक स्वतःला रोखलं. मिलर नॉन-स्ट्रायकर एंडला क्रीझच्या खूप जवळ उभा असल्याचा दावा सुंदरने केला आणि अंपायरकडे तशी रितसर तक्रार देखील केली, ज्यामुळे मैदानावर तणावाचं वातावरण पहायला मिळालं. त्याचा व्हिडीओ देखील समोर आला आहे.
advertisement
अंपायरने मध्यस्थी करत मिटवला वाद
ओव्हर संपल्यानंतर शेवटच्या बॉलवेळी मिलर आणि सुंदर एकमेकांसमोर आले आणि त्यांच्यात शाब्दिक बाचाबाची झाली. परिस्थिती हाताबाहेर जात असल्याचे पाहून ईशान किशन, ट्रिस्टन स्टब्स आणि अंपायरने मध्यस्थी करत दोघांना एकमेकांपासून दूर केलं. सुंदरच्या या आक्रमकतेमुळे मॅचमध्ये काही काळ व्यत्यय आला होता. त्यामुळे मैदानात काही वेळ तणावाचं वातावरण होतं. मात्र, अनेकांना ओव्हर संपल्यामुळे नेमका वाद काय झाला होता, हे पाहता आलं नाही.
पाहा Video
वॉशिंग्टन सुंदरची खराब कामगिरी
दरम्यान, वॉशिंग्टन सुंदरने या मॅचमध्ये 2 ओव्हरमध्ये 17 रन्स दिले, पण त्याला एकही यश मिळाले नाही. बॅटिंग करताना देखील त्याने 11 बॉलमध्ये केवळ 11 रन्स केले, जे 187 रन्सच्या मोठ्या लक्ष्याचा पाठलाग करताना पुरेसे नव्हते. टीम इंडियाचा डाव केवळ 111 रन्सवर आटोपला, ज्यामुळे सेमीफायनल गाठण्याचे भारताचे स्वप्न आता धुसर दिसत असल्याचं पहायला मिळतंय. या पराभवानंतर आता झिम्बाब्वे आणि वेस्ट इंडिजविरुद्धच्या मॅचमध्ये भारताला विजय मिळवणं काहीही करून गरजेचं आहे.