इंडियन स्ट्रीट प्रीमियर लीग (ISPL)या स्पर्धेत सैफ अली खानचा एक संघ आहे. सैफ हा टायकर्ग ऑफ कोलकाता संघाचा मालक आहे. इंडियन स्ट्रीट प्रीमियर लीग ही एक टेनिस बॉल क्रिकेट स्पर्धा आहे. ज्यात १० ओव्हरची मॅच खेळवली जाते. 2024 साली या लीगची सुरूवात झाली होती. आणि पहिल्याच हंगामात सैफच्या संघाने विजेतेपद मिळवले होते. सैफच्या संघाने माझी मुंबईचा 4 धावांनी पराभव केला होता.
advertisement
ना घरचे नोकर, ना करिना, सैफला रुग्णालयात कोणी नेले? रुग्णालयातून आली मोठी अपडेट
देशातील गरीब खेळाडूंना व्यावसायिक क्रिकेट खेळण्याची संधी मिळावी या हेतूने ही लीग सुरू करण्यात आली. भारताचा माजी क्रिकेटपटू सचिन तेंडुलकर आणि बीसीसीआयचे माजी कोषाध्यक्ष आशिष शेलार आणि अमोल काळे हे देखील या लीगच्या कोअर समितीमध्ये सदस्य आहेत. या लीगचा पहिला हंगाम ठाण्यातील दादोजी कोंडदेव स्टेडियम येथे आयोजित करण्यात आला होता. या लीगचा दुसरा हंगाम २७ जानेवारीपासून सुरू होणार आहे.
सैफच्या क्रिकेटमधील कमाईचा विचार केल्यास या संघाच्या माध्यमातून तो कोट्यवधी रुपयांची कमाई करतो. एका रिपोट्सनुसार संघातील खेळाडूंवर सैफ १ कोटी इतका खर्च करतो.