TRENDING:
खरं तर वेस्टइंडिजच्या शिमरन हेटमायरने स्कॉटलँड विरूद्ध 22 बॉलमध्ये हाफ सेंच्यूरी केली होती. या खेळी दरम्यान हेटमायरने 6 षटकार आणि एक चौकार मारला होता. या दरम्यान त्याचा स्ट्राईक रेट हा 200 च्या आसपास होता.त्यानंतर तो पुढे जाऊन तो 36 बॉलमध्ये 54 धावा करून बाद झाला. हेटमायरने जितकी जबरदस्त खेळी केली, तितकीच जबरदस्त साफयान शरीफने बाऊन्ड्री लाईनवर त्याची कॅच घेतली होती.
advertisement
दरम्यान हेटमायर हा तोच खेळाडू आहे जो राजस्थान रॉयल्सकडून आयपीएल खेळतो. या संघाचा प्रशिक्षक राहुल द्रविड आहे. द्रविड नेहमीच हेटमायरला डेथ ओव्हर्समध्ये फलंदाजी करायला पाठवायचा. पण कमी बॉल खेळायला मिळत असल्याने त्याला फारशी चांगली फलंदाजी करायला मिळायची नाही. पण आज वेस्ट इंडिजने वर्ल्ड कपमध्ये हेटमायरला तिसऱ्या क्रमांकावर खेळायला पाठवून हुशारी दाखवली होती. हीच हुशारी वेस्ट इंडिजच्या कामी आली आहे. कारण हेटमायरने स्कॉटलँड विरूद्ध 36 बॉलमध्ये 64 धावांची खेळी केली आहे. या खेळीत त्याने 6 षटकार आणि 2 चौकार लावले आहेत.
दरम्यान हेटमायरच्या 64 धावा आणि ब्रॅडन किंगच्या 35 धावांच्या बळावर वेस्ट इंडिजने 182 धावा दिल्या आहेत. त्यामुळे स्कॉटलँडसमोर 183 धावांचे लक्ष्य आहे.