Instagram चा नवा धमाका! आता मोठ्या स्क्रिनवरही दिसतील रील्स, पण कसे?

Instagram Google TV app: इंस्टाग्राम प्रेमींसाठी कंपनीने मोठी खुशखबर आणली आहे. आता तुम्ही गुगल टीव्ही आणि अँड्रॉइड टीव्हीच्या मोठ्या स्क्रिनवर रील्स आणि पोस्टचा आनंद घेऊ शकता. चला पाहूया कसा...

Instagram Google TV app: सध्याच्या काळात जवळपास सर्वांकडे स्मार्टफोन आहे. स्मार्टफोनचा वापर करणारे सोशल मीडिया वापरतात. यामध्ये इंस्टाग्रामचा वापर करणाऱ्यांची संख्या जास्त आहे. तुम्हालाही इंस्टाग्रामचे वेड असेल आणि तुम्ही मोबाईलवर तासंतास स्क्रीनवर रील्स स्क्रोल करत असाल तर तुमच्यासाठी गुडन्यूज आहे. आता इंस्टाग्राम फक्त मोबाईलपर्यंत मर्यादित नाही. मेटाने अखेर Instagram TV अॅपला गूगल टीव्ही यूझर्साठी ग्लोबली रोलआउट केले आहे. आता तुम्ही तुमच्या लिव्हिंग रुममध्ये फक्त सोफ्यावर बसून, आरामात स्मार्ट टीव्हीवर आवडीच्या रील्स, व्हिडिओ आणि मित्रांच्या पोस्ट पाहू शकाल. चला समजून घेऊया हे कसे काम करेल आणि तुम्ही ते टीव्हीवर कसे इंस्टॉल करु शकता.

Instagram TV अॅपमध्ये काय खास आहे?

आतापर्यंत, टीव्हीवर इंस्टाग्राम पाहण्यासाठी तुम्हाला तुमच्या फोनवरून स्क्रीन मिररिंग किंवा कास्टिंगचा अवलंब करावा लागत असे. पण आता, गुगल टीव्हीसाठी हे समर्पित अॅप तुमचा अनुभव पूर्णपणे बदलून टाकेल. या अॅपसह, तुम्ही आता मोठ्या स्क्रीनवर रील्सचा आनंद घेऊ शकता. तुम्ही तुमच्या टीव्ही रिमोटचा वापर करून पुढील रील्सवर सहजपणे स्विच करू शकता, थांबवू शकता किंवा व्हिडिओ प्ले करू शकता. टीव्ही अॅपची रचना मोबाईलपेक्षा खूपच स्वच्छ आहे, त्यामुळे दूरवरून पाहताना तुमच्या डोळ्यांवर ताण येत नाही.

Spam Calls पासून बचाव करायचाय? WhatsAppच्या या सेटिंग करा ऑन

TV वर कसं करावं इंस्टॉल?

तुमच्या जवळ Google TV, Android TV किंवा Chromecast आहे. तर तुम्ही या सोप्या स्टेप्सने सेटअप करु शकता.

सर्वात आधी तुम्ही तुमच्या गूगल टीव्हीच्या होम स्क्रिनवर जा आणि 'Apps' टॅबमध्ये जाऊन Google Play Store ओपन करा.

आता सर्च बारमध्ये 'Instagram' टाइप करा.

आता येथे तुम्हाला 'Instagram for TV' चा ऑप्शन दिसेल.

आता खाली 'Install' बटणवर क्लिक करा. काही सेकंदांमध्ये अॅप तुमच्या टीव्हीमध्ये डाउनलोड होईल.

अॅप ओपन केल्यावर तुम्हाला QR Code दिसेल. तुमच्या फोनच्या इंस्टाग्राम अॅपने हे स्कॅन करा किंवा स्क्रिनवर दिसत असलेल्या कोडला instagram.com/activate वर जाऊन टाका.

तुम्ही फोनने अप्रूव्ह केल्यानंतर तुमची इंस्टाग्राम फीड तुमच्या स्मार्ट टीव्हीवर ओपन होईल.

मोठ्या स्क्रीनवर पाहण्याचा आनंद घ्या

टीव्हीवर इंस्टाग्राम पाहणे हा लहान फोन स्क्रीनवर पाहण्यापेक्षा वेगळा अनुभव आहे. आता तुम्ही संपूर्ण कुटुंबासह रील्सचा आनंद घेऊ शकता. अॅप मोठ्या स्क्रीनसाठी सामग्री ऑटोमॅटिक अ‍ॅडजस्ट करेल आणि व्हिडिओ सतत प्ले होतील, रिमोटने वारंवार स्क्रोल करण्याची आवश्यकता नाही.

डिजिटल जगात बदल

टॉप व्हिडीओज

सर्व पहा

शेतीत अपयश का येते? कोणत्या होतात व्यावसायिक चुका, कृषी तज्ज्ञांचा मोलाचा सल्ला

सर्व पहा

इंस्टाग्रामचं हे पाऊल दाखवतं की, लोक आता लहान स्क्रीन ऐवजी मोठ्या स्क्रीनवर सोशल मीडियाचा अनुभव घेत आहेत. YouTube आणि TikTok पहिलेच टीव्हीवर उपलब्ध आहेत आणि आता इंस्टाग्रामही त्याच रांगेत आले आहे. या नव्या फीचरनंतर आता तुम्ही आरामात बसून फोन हातात न घेता सोशल मीडियाचा आनंद घेऊ शकता.