TRENDING:
सायबर क्राइम पोर्टलवर तक्रार कशी करावी?
भारत सरकारने ऑनलाइन घोटाळे आणि सायबर गुन्ह्यांच्या प्रकरणांसाठी एक पोर्टल तयार केले आहे. ज्याचे नाव आहे नॅशनल सायबर क्राइम रिपोर्टिंग पोर्टल आहे. या पोर्टलवर तुम्ही तुमची तक्रार ऑनलाइन नोंदवू शकता. यासाठी तुम्हाला www.cybercrime.gov.in या वेबसाइटला भेट द्यावी लागेल. कोणत्याही प्रकारच्या ऑनलाइन फसवणूक, हॅकिंग, डेटा चोरी, बनावट वेबसाइटबद्दल तुम्ही येथे तक्रारी दाखल करू शकता. हे पोर्टल 24×7 सक्रिय राहते आणि तुमची तक्रार संबंधित सायबर गुन्हे शाखेकडे पाठवू शकते.
advertisement
Ghibli इमेज क्रिएट करताना कधीच करु नका ही चूक!डेटा चोरीचा होईल धोका
तुम्ही पोलिस स्टेशनमध्ये तक्रार दाखल करू शकता
तुम्हाला वाटत असेल की हा घोटाळा गंभीर आहे आणि तुमचे आर्थिक नुकसान झाले आहे. तर तुम्ही जवळच्या पोलिस ठाण्यात तक्रार देखील दाखल करू शकता. सायबर गुन्ह्यांच्या प्रकरणांसाठी विशेष पोलिस युनिट्स आहेत, जे ऑनलाइन फसवणुकीच्या प्रकरणांचा तपास करतात.
तुम्हाला तुमची तक्रार लिहून पोलिसांना द्यावी लागेल. यासोबतच, ऑनलाइन घोटाळ्याशी संबंधित सर्व कागदपत्रे (जसे की व्यवहार पावती, स्क्रीनशॉट, ईमेल) पोलिसांसोबत शेअर करा.
Airtelच्या या प्लॅनने यूझर्सची होईल मज्जा! सर्वात कमी किंमतीत वर्षभराची व्हॅलिडिटी
ग्राहक मंचाकडे तक्रार करा
घोटाळा एखाद्या उत्पादनाशी किंवा सेवेशी संबंधित असेल, तर तुम्ही ग्राहक मंचातही तुमची तक्रार नोंदवू शकता. भारतात ग्राहक हेल्पलाइन सेवा उपलब्ध आहे. ज्यावर तुम्ही तुमचा मुद्दा मांडू शकता. त्याचा हेल्पलाइन क्रमांक 1915 आहे. तुम्हाला हवे असल्यास, तुम्ही अधिकृत वेबसाइट - www.consumerhelpline.gov.in ला देखील भेट देऊ शकता, येथे तुम्हाला तुमच्या समस्यांचे निराकरण मिळू शकते.
बँकेला कळवा
तुम्ही ऑनलाइन घोटाळ्यात पैसे गमावले आहेत. उदाहरणार्थ, जर तुमच्या बँक अकाउंटमधून पैसे काढले गेले किंवा कोणत्याही क्रेडिट कार्डचा गैरवापर झाला तर तुम्ही ताबडतोब तुमच्या बँकेला कळवावे. बँक तुमच्या प्रकरणाची चौकशी करेल आणि आवश्यक ती कारवाई करेल.