Success Story : नोकरीमधून घर खर्च भागत नव्हता, दाम्पत्याने सुरू केला चपाती आणि भाकरी व्यवसाय, महिन्याची कमाई पाहाच

पुणे: तुमच्याकडे जिद्द, इच्छाशक्ती आणि चिकाटी असेल तर ना शिक्षण आडवं येतं ना परिस्थिती. सोलापूर जिल्ह्यातून स्वप्नं घेऊन पुण्यात आलेलं सत्यवान आणि अश्विनी थोरबोले हे दाम्पत्य याचं उत्तम उदाहरण आहे. गावाकडे रोजंदारीवर काम करणाऱ्या या दाम्पत्याने पुण्यात आल्यानंतर विविध ठिकाणी छोट्या-मोठ्या नोकऱ्या केल्या. मात्र या नोकऱ्यांमधून घरखर्च भागत नसल्याने त्यांनी स्वतःचा व्यवसाय सुरू करण्याचा निर्णय घेतला. मार्केटचा अभ्यास करून त्यांनी चपाती आणि भाकरी बनवण्याचा व्यवसाय सुरू केला. मेहनत आणि नियोजनाच्या जोरावर आज ते या व्यवसायातून महिन्याला 60 ते 70 हजार रुपयांची कमाई करत आहेत. त्यांच्या प्रवासाविषयी त्यांनी लोकल 18 ला माहिती दिली आहे.