दोन्ही प्लान्सना आपापले फायदे आणि तोटे आहेत, पण अनेकांना हे माहीत नसतं की त्यांच्या वापराच्या सवयींनुसार कोणता पर्याय योग्य ठरेल. चला तर मग, बघूया या दोन्हीपैकी कोणता प्लान खरोखर फायदेशीर ठरू शकतो.
प्रीपेड प्लान पूर्ण कंट्रोल तुमच्याच हातात
प्रीपेड प्लानमध्ये तुम्हाला आधीच रिचार्ज करावं लागतं आणि त्यानंतर त्या प्लानमध्ये दिलेला डेटा किंवा कॉलिंग तुम्ही वापरू शकता. या प्लानचा सगळ्यात मोठा फायदा म्हणजे खर्चावर पूर्ण नियंत्रण. जर तुम्ही महिन्यात मर्यादित इंटरनेट वापरता किंवा ऑफरनुसार रिचार्ज बदलायला आवडत असेल, तर प्रीपेड तुमच्यासाठी एकदम योग्य पर्याय आहे.
advertisement
प्रीपेड यूजर्सना फ्लेक्सिबिलिटी जास्त मिळते ते हवे तेव्हा ऑपरेटर बदलू शकतात, प्लान बदलू शकतात. त्यामुळेच भारतात जवळपास ९०% मोबाईल यूजर्स प्रीपेड कनेक्शन वापरतात. पण या प्लानचा एक तोटा म्हणजे, एकदा बॅलन्स किंवा डेटा संपला की सर्व्हिस लगेच बंद होते आणि रिचार्ज करायला विसरलात तर फोन वापरणंही थांबतं.
पोस्टपेड प्लान – सतत जोडलेले राहा
पोस्टपेड यूजर्स प्रत्येक महिन्याच्या वापरानुसार बिल भरतात. याचं सर्वात मोठं वैशिष्ट्य म्हणजे सतत सुरू असलेली सेवा, डेटा असो वा नेटवर्क, मध्येच बंद होत नाही. जर तुमचं काम ऑनलाइन मिटिंग्स, ऑफिस ईमेल्स किंवा सतत डेटा वापरणं असं असेल, तर पोस्टपेड हा उत्तम पर्याय आहे.
पोस्टपेड प्लान्ससोबत काही अतिरिक्त फायदेही मिळतात जसं की Netflix, Amazon Prime, Disney+ Hotstar सारख्या OTT अॅप्सच्या सब्स्क्रिप्शन, फॅमिली शेअरिंग डेटा आणि प्रायोरिटी कस्टमर सपोर्ट. महिन्याला ठराविक बिल भरल्यामुळे खर्चाचं नियोजन करणं सोपं होतं, पण काही वेळा हिडन चार्जेस किंवा करांमुळे बिल अपेक्षेपेक्षा जास्त येऊ शकतं.
मग कोणता प्लान तुमच्यासाठी योग्य?
जर तुम्ही विद्यार्थी असाल किंवा तुमचं मोबाईल वापरणं मर्यादित असेल, तर प्रीपेड प्लान सर्वोत्तम. यात तुम्ही स्वतःच खर्चावर नियंत्रण ठेवू शकता आणि हवे तेव्हा प्लान बदलू शकता.
पण जर तुम्ही सतत इंटरनेट वापरत असाल, कॉलिंग तुमच्यासाठी महत्त्वाचं असेल आणि OTT अॅप्सचा आनंद घ्यायचा असेल, तर पोस्टपेड प्लान तुम्हाला जास्त फायदेशीर ठरेल.
थोडक्यात सांगायचं तर प्रीपेड तुम्हाला कंट्रोल देतं, तर पोस्टपेड तुम्हाला सोय आणि प्रीमियम अनुभव. म्हणून “कोणता चांगला?” यापेक्षा “तुमचा वापर कसा आहे?” हे समजून घेणं जास्त महत्त्वाचं आहे.