UPI Transaction Limit : UPI युझर्ससाठी मोठी अपडेट, 1 जानेवारीपासून ट्रान्सफर लिमिट बदलणार, काय आहेत नवीन नियम?

UPI Transaction Limit : लोक लहान व्यवहारांपासून मोठ्या व्यवहारांसाठी UPI करतात. पण आता UPI करण्याचे काही नियम बदलणार आहेत.

मुंबई : ऑनलाइन बँकिंग आता बहुतांश लोक वापरतात. आता क्वचितच कोणी असा दिसेल जो ऑनलाइन पैसे ट्रांस्फरचा पर्याय वापरत नसेल. लोक लहान व्यवहारांपासून मोठ्या व्यवहारांसाठी UPI करतात. पण आता UPI करण्याचे काही नियम बदलणार आहेत. ज्याचा सहाजिकच वापरत्याकर्त्यांवर परिणाम होईल. चला याबद्दल सविस्तर जाणून घेऊ.

जर तुमच्याकडे स्मार्टफोन नसेल पण बटन असलेला फीचर फोन असेल तर ही बातमी तुमच्यासाठी उपयुक्त आहे. वास्तविक, अलीकडेच रिझर्व्ह बँक ऑफ इंडिया (RBI) ने फीचर फोन वापरकर्त्यांसाठी एक चांगली बातमी दिली आहे. आता UPI 123Pay वापरून 10,000 रुपयांपर्यंतचे UPI पेमेंट केले जाऊ शकते. ही सुविधा १ जानेवारी २०२५ पासून सुरू होणार आहे. पूर्वी ही मर्यादा ५ हजार रुपये होती.

UPI 123Pay काय आहे?

UPI 123Pay ही फीचर फोन वापरकर्ते आणि मर्यादित किंवा इंटरनेट कनेक्टिव्हिटी नसलेल्या वापरकर्त्यांसाठी एक झटपट पेमेंट सिस्टम आहे. याद्वारे असे वापरकर्ते सहजपणे UPI पेमेंट करू शकतात. ही प्रणाली 4 प्रकारे UPI पेमेंटची सुविधा प्रदान करते.

1. IVR नंबरवर कॉल करून- NPCI नुसार, फीचर फोन वापरकर्ते IVR नंबरद्वारे UPI व्यवहार करू शकतील. यासाठी तुम्हाला IVR नंबर (080-45163666, 08045163581 आणि 6366200200) वर कॉल करून तुमचा UPI आयडी व्हेरिफाय करून घ्यावा लागेल. आता तुम्हाला कॉलवर दिलेल्या सूचनांचे पालन केल्यानंतर तुमचे पेमेंट करावे लागेल.

2. फीचर फोनवर ॲप वापरणे

3. मिस्ड कॉल आधारित पद्धत

4. ध्वनी आधारित पेमेंट

टॉप व्हिडीओज

सर्व पहा

APMC Market: कृषी मार्केटमध्ये उलटफेर, कांदा, केळीनं वाढवलं टेन्शन, लिंबू अन् द्राक्षांना किती मिळाला भाव?

सर्व पहा

युनिफाइड पेमेंट्स इंटरफेस म्हणजेच UPI ही रिअल टाइम पेमेंट सिस्टम आहे. UPI पेमेंट सिस्टम 2016 मध्ये सुरू झाली. UPI प्रणाली नॅशनल पेमेंट कॉर्पोरेशन ऑफ इंडिया (NPCI) द्वारे ऑपरेट केली जाते. वित्त मंत्रालयाने नुकत्याच दिलेल्या माहितीनुसार, यावर्षी जानेवारी ते नोव्हेंबर या कालावधीत यूपीआय प्रणालीद्वारे 223 लाख कोटी रुपयांचे 15,547 कोटींहून अधिक व्यवहार झाले आहेत.