Vasai News : आईची नजर चुकली अन् अनर्थ घडला! खेळता खेळता बादलीत पडली; 2 वर्षाच्या इशिकाचा मृत्यू

एका क्षणाची चूक अन् होत्याचे नव्हते झाले

मिळालेल्या माहितीनुसार, वसई पूर्व भागातील एका सोसायटीत राहणारी गोंडस इशिका सोमवारीही संध्याकाळी आपल्या घरात खेळत होती. अचानक खेळता-खेळता घरातच असलेल्या पाण्याच्या बाल्टीजवळ गेली आणि त्याच वेळी कोणाच्याही लक्षात न येता ती त्या बाल्टीत पडली गेली.

घरातल्यांना संपूर्ण घटना लक्षात येईपर्यंत उशीर झालेला होता. चिमुकलीच्या घरच्यांनी तिला तातडीने वसई येथील एका खासजी रुग्णालयात नेले. पण डॉक्टरांनी तपासल्यानंतर चिमुकलीला मृत घोषित केले. घडलेल्या या घटनेमुळे कुटुंबीयांवर दु:खाचा डोंगर कोसळलेला आहे.

advertisement

वसईत घडलेल्या या घटनेमुळे घरातील चिमुकल्यांची किती काळजी घेणे महत्त्वाते आहे ते समोर आले असून या घटनेप्रकरणी पोलिसांनी अपघाती मृत्यूची नोंद केली असून पुढील तपास सुरु आहे.