TRENDING:
पश्चिम आशियातील तणाव आता टोकाला पोहोचला आहे. इराणचे सरकारी मुखपत्र मानल्या जाणाऱ्या 'तेहरान टाइम्स'ने आपल्या पहिल्या पानावर 'वेलकम टू हेल' (Welcome To Hell) अशा मथळ्याखाली अमेरिकेला उघड आव्हान दिले आहे. "जर अमेरिकन सैनिकांने इराणच्या जमिनीवर पाऊल ठेवले, तर ते जिवंत परतणार नाहीत, तर केवळ शवपेट्यांमध्येच (Coffins) परत जातील," अशा कडक शब्दांत इराणने आपली भूमिका स्पष्ट केली आहे.
advertisement
अमेरिकेचा 'ग्राउंड ऑपरेशन'चा प्लॅन काय?
वॉशिंग्टनमध्ये सध्या इराणमधील अणू प्रकल्पांना लक्ष्य करण्यासाठी 'लिमिटेड ग्राउंड ऑपरेशन'वर चर्चा सुरू असल्याचे वृत्त आहे. विशेषतः डोनाल्ड ट्रम्प यांनी इराणमधील विशेष मोहिमेसाठी मर्यादित सैन्य तैनात करण्यात रस दाखवल्याचे समजते. इराणचा उच्च संवर्धित युरेनियमचा साठा जमिनीखालील खोल सुरक्षित ठिकाणावर असल्याने, तो नष्ट करण्यासाठी केवळ हवाई हल्ले पुरेसे नसून जमिनीवरून सैन्य कारवाई करणे आवश्यक असल्याचे अमेरिकन लष्करी तज्ज्ञांचे मत आहे.
इराणचा 'मास्टर प्लॅन' आणि सज्जता
'तेहरान टाइम्स'च्या पहिल्या पानावर शस्त्रसज्ज सैनिक विमानाकडे कूच करत असल्याचे चित्र छापून इराणने आपण या आव्हानांना तयार असल्याचे म्हटले. इराणने म्हटले आहे की, अमेरिकेची ही कारवाई त्यांच्यासाठी एखाद्या 'दलदली'सारखी ठरेल, ज्यात अमेरिकन सैन्य पूर्णपणे रुतून बसेल. या युद्धामुळे केवळ लष्करीच नव्हे, तर जागतिक भू-राजकीय आणि आर्थिक संकट ओढवेल, असा इशाराही देण्यात आला आहे. १९७९ च्या क्रांतीचा आवाज मानल्या जाणाऱ्या या वर्तमानपत्रातील इशारा म्हणजे थेट इराणी राजवटीचाच अधिकृत संदेश मानला जात आहे.
'तेहरान टाइम्स' हे वृत्तपत्र इराणच्या सरकारकडून नियंत्रित केले जात असल्याचे म्हटले जाते. त्यामुळे या वृत्तपत्रातील बातमी, लेख, भूमिका या इराण सरकारचीच अधिकृत भूमिका अथवा त्याच्याशी सुसंगत असल्याचे म्हटले जाते.
इराण अमेरिकन-इस्रायली सैन्याचा मुकाबला कसा करणार?
वृत्तानुसार, इराणची भूदलाची लष्करी क्षमता अत्यंत भक्कम आहे. अमेरिका-इस्रायलने जमिनी युद्ध केल्यास त्यांना महागात पडू शकते. प्रदेशातील भौगोलिक रचनाही इराणी सैन्याला फायदेशीर ठरेल. त्याशिवाय इराणवर जमिनी युद्ध सुरू झाल्यास इराणचा पाठिंबा असलेले विविध सशस्त्र दलही अमेरिका-इस्रायलविरोधात मैदानात उतरू शकतात. यामध्ये हिज्बुल्लाह, हुती सारख्या संघटना आहेत. त्याशिवाय, अमेरिका-इस्रायलविरोधातील सशस्त्र संघटना इराणच्या बाजूने मैदानात उतरू शकतात. त्यामुळे ही जमिनी युद्ध फक्त इराणच्या सीमेवर नव्हे तर इतर ठिकाणीदेखील पेटण्याची शक्यता आहे.