TRENDING:
टेस्लाचे सीईओ एलोन मस्क आणि राष्ट्राध्यक्ष डोनाल्ड ट्रम्प यांच्यामध्ये आता कमालीचे संबंध ताणले गेले आहे. मस्क यांनी एपस्टाईन फाइल्सशी संबंधित ट्रम्पवर गंभीर आरोप केले तेव्हापासून भडका उडाला आहे. मस्क यांनी X हँडलवर एक पोस्ट केली होती आणि त्यांनी ही पोस्ट लगेच डिलीट केली. गुरुवारी मस्क आणि ट्रम्प सोशल मीडियाद्वारे एकमेकांवर टीका करत असताना हे संपूर्ण प्रकरण सुरू झालं.
advertisement
मस्क यांनी का केली होती पोस्ट?
दरम्यान, मस्क यांनी पोस्ट केले की, 'डोनाल्ड ट्रम्प एपस्टाईन फाइल्समध्ये आहेत. त्यामुळेच या फाइल्स सार्वजनिक केल्या गेल्या नाहीत. शुभेच्छा DGT!' या पोस्टने अमेरिकन राजकारणात खळबळ उडवली. परंतु काही तासांनंतर मस्क यांनी ही पोस्ट डिलीट केली. मस्क यांच्या या कृतीमुळे तणाव कमी करण्याचा प्रयत्न मानले जात आहे, विशेषतः जेव्हा ट्रम्प प्रशासनाने मस्क यांच्या कंपन्यांना दिलेली सबसिडी आणि सरकारी कंत्राटे संपवण्याची धमकी दिली होती.
मस्क आणि ट्रम्प यांचे संबंध एकेकाळी खूप चांगले होते. मस्क ट्रम्पच्या कॅबिनेट बैठकींचा भाग होते, त्यांनी सरकारी कार्यक्षमता विभागातही काम केलं आणि ट्रम्पच्या निवडणूक प्रचारासाठी सक्रियपणे प्रचार केला. पण अलिकडच्या आठवड्यात दोघांमधील मतभेद अधिकच वाढलं. मतभेदांचे सर्वात मोठे कारण ट्रम्प यांचे 'वन बिग ब्युटीफुल बिल' होते, ज्यामुळे मस्क नाराज असल्याचं म्हटलं जातंय. या विधेयकात इलेक्ट्रिक वाहनांसाठीचे नियम काढून टाकण्याबद्दल बोलले गेले होते, जे मस्कच्या व्यवसायासाठी हानिकारक ठरू शकते.
मस्क काढणार राजकीय पक्ष
या नाराजी दरम्यान, मस्कने सोशल मीडियावर अमेरिकन राजकारणात 'द अमेरिका पार्टी' नावाचा एक नवीन पक्ष स्थापन करण्याचे संकेतही दिले. त्यांनी त्यांच्या प्लॅटफॉर्म X वर एक सर्वेक्षण केले, ज्यामध्ये ८० टक्के लोकांनी या कल्पनेला पाठिंबा दिला. यानंतर, मस्कने लिहिले, 'द अमेरिका पार्टी हे नाव खूप चांगले आहे, ते खरोखरच अमेरिकेचे प्रतिनिधित्व करेल.' दुसरीकडे, ट्रम्प यांनीही मस्कवर जोरदार प्रत्युत्तर दिले. त्यांनी ट्रुथ सोशलवर पोस्ट करत म्हटले की, 'अब्जावधी डॉलर्स वाचवण्याचा सर्वात सोपा मार्ग म्हणजे सबसिडी बंद करणे. बायडेन यांनी अद्याप हे का केले नाही याबद्दल आश्चर्य वाटते!'. याशिवाय, ट्रम्पने आरोप केला की मस्कला विधेयकाच्या अंतर्गत कामकाजाची चांगली जाणीव होती आणि त्यांचा विरोध राजकीय होता.
मस्क यांना थेट संघर्ष नकोय?
व्हाईट हाऊसच्या प्रवक्त्या कॅरोलिन लेविट यांनी मस्कच्या आरोपांना निराधार म्हटलं आणि म्हणाल्या, 'एलन मस्क फक्त या विधेयकात त्यांना हव्या असलेल्या गोष्टी नसल्यामुळे रागावले आहेत. राष्ट्राध्यक्ष ट्रम्प अमेरिकेला पुन्हा महान बनवण्यात व्यस्त आहेत.' मस्कने एपस्टाईन फायली असलेली पोस्ट ज्या प्रकारे हटवली त्यामुळे दोन्ही पक्षांना हा वाद आणखी वाढवायचा नाही, असा अंदाज आहे. अमेरिकन राजकारणातील तज्ज्ञांचा असा विश्वास आहे की मस्ककडे मोठे सरकारी कंत्राट आहेत, ज्याचा थेट परिणाम ट्रम्पवर होऊ शकतो. अशा परिस्थितीत, तो उघडपणे ट्रम्पचा सामना करू इच्छित नाही.