अमेरिकेचे विमान पाडले, एका पायलटची इराणमधून सुटका, दुसऱ्याचा शोध सुरू; Iranकडून वैमानिकाला पकडण्यासाठी बक्षीस जाहीर

इराणी माध्यमांनी दिलेल्या वृत्तानुसार इराणच्या सुरक्षा दलांनी पाडलेल्या अमेरिकन फायटर जेटमधील वैमानिकाला ताब्यात घेतल्याची माहिती समोर आली आहे. इराणच्या Fars न्यूज एजन्सीने सांगितले की लष्कराने त्या वैमानिकाचा शोध घेण्यासाठी विशेष मोहीम सुरू केली आहे. आज आधी पाडण्यात आलेल्या अमेरिकन फायटर पायलटचा शोध घेण्यासाठी लष्करी दलांनी शोधमोहीम सुरू केली आहे, असे Fars ने म्हटले आहे.

advertisement

इराणी टीव्हीकडून बक्षिसाची घोषणा

पश्चिम इराणमध्ये हे विमान कोसळल्यानंतर स्थानिक इराणी माध्यमांनी जिवंत अमेरिकन पायलट पकडणाऱ्यांना मोलाचे बक्षीस दिले जाईल, अशी घोषणा केली आहे. एका स्थानिक टीव्ही चॅनेलने म्हटले आहे की, जो कोणी अमेरिकन पायलटला जिवंत पकडेल, त्याला मोठे बक्षीस दिले जाईल.

इराणच्या सरकारी प्रसारमाध्यम संस्था Islamic Republic of Iran Broadcasting (IRIB) च्या माहितीनुसार दक्षिण-पश्चिम इराणमध्ये विमान कोसळल्याच्या ठिकाणी मोठ्या प्रमाणात लोक जमा झाले असून काहीजण खासगी वाहनांनी त्या ठिकाणी पोहोचण्याचा प्रयत्न करत आहेत. अनेक लोक अमेरिकन फायटर जेट कोसळलेल्या भागाकडे जात असून, काहीजण पायलटला पकडण्याचा प्रयत्न करत आहेत, असे IRIB ने सांगितले.

पहिल्यांदाच अमेरिकन जेट पाडल्याचा दावा

या घटनेशी संबंधित माहिती देणाऱ्या एका स्रोताने सांगितले की इराणने अमेरिकेचे एक लढाऊ विमान पाडले असून त्यातील दोन क्रू सदस्यांचा शोध घेण्यासाठी सर्च अँड रेस्क्यू ऑपरेशन सुरू आहे.

ठळक घटना

1)इराण युद्ध सुरू झाल्यानंतर प्रथमच अमेरिकेचे लढाऊ विमान पाडल्याचा दावा केला जात आहे.

2)इराणी सरकारी माध्यमांनी पाडलेल्या विमानाचे काही भाग आणि इजेक्शन सीटचे फोटो व व्हिडिओ प्रसिद्ध केल्याचा दावा आहे.

3)उपलब्ध चित्रांवरून हे विमान F-15E प्रकारचे असावे, असा अंदाज व्यक्त केला जात आहे.

4)पायलटला पकडणाऱ्यांसाठी मोलाचे बक्षीस जाहीर करण्यात आले आहे.

5)दोन क्रू सदस्यांचा शोध सुरू असून बचाव मोहीम सुरू आहे.